2 Korinti 9:1-15

  • Alasen mere (1-15)

    • Keleng ate Dibata kalak si mere alu ukur meriah (7)

9  Situhuna la perlu kutulisken man kena kerna pelayanen man kalak si badia,  erkiteken kuteh kena nggit nampati janah eme sebapna kupujiken kena man turang senina si lit i Makedoni. Kupebetehken man kalak e maka kerina kena si lit bas Akaya nggo nampati aku setahun dekahna. Janah semangat kena e erban teremen i bas kalak e jadi semangat.  Tapi kusuruh turang senina e, gelah kai si ipujiken kami kerna kena labo terjeng cakap saja, janah gelah tuhu-tuhu kena ersikap i bas nampati bagi si nggo kukataken man kalak e.  Adi reh turang senina arah Makedoni nari radu ras aku janah idah kami kena lenga ersikap, kami bage pe kena pasti mela perban nggo tek kel kami nandangi kena.  Emaka, perlu kuakap kupindoken man turang senina enda gelah leben ndahi kena, janah mpepulung sumbangen si nggo ijanjiken kena. Adi sumbangen e nggo ipepulung, teridah me maka kena mere perban ukur kena ersuruh labo perban terpaksa.  I bas si enda, kalak si sitik ngenca nuan benih, sitik ka ngenca iperanina, tapi kalak si melala nuan benih, melala ka nge si iperanina.  Tiap kalak arus mere sue ras kai si nggo itetapkenna i bas ukurna, ula min mberat ukurna ntah pe terpaksa, erkiteken Dibata ngkelengi kalak si mere alu ukur meriah.  Ngasup Dibata mereken lias ateNa si mbelin man kena, gelah terus kena la kurang kai pe janah lit kai pe i bas kena si iperluken kena i bas ngelakoken perbahanen si mehuli.  Enda sue ras ayat si ngataken, “Meriah iakapna mere, meriah iakapna nampati kalak si mesera. Kiniulinna seh rasa lalap.” 10  Dibata si nikapken melala benih man kalak si nuan bage pe pangan guna ipan, isikapkenNa me benih si erlipat ganda guna isuan kena, janah itambahiNa ka me buena asil peranin kena i bas ngelakoken perbahanen si mehuli. 11  Dibata masu-masu kena i bas kai pe gelah banci kena mere i bas erbage-bage cara. Alu bage pemere si ibereken kena arah kami erban kalak ngata bujur man Dibata, 12  sebap pelayanen enda labo saja ncukupi keperlun kalak si badia, tapi pe ngasilken melala pengatan bujur man Dibata. 13  Imuliaken kalak e me Dibata erkiteken penampat si ibereken kena si mbuktiken maka kena patuh man berita si meriah kerna Kristus si iberitaken kena, bage pe erkiteken ibereken kena sumbangen alu ukur meriah man kalak e ras man jelma si nterem. 14  Itotoken kalak e me kena janah ikelengina kena, erkiteken mbelin kel lias ate Dibata i bas diri kena. 15  Bujur man Dibata kerna pemereNa si la terturiken.

Cataten kaki