1 Timotius 2:1-15

  • Toto man erbage-bage jelma (1-7)

    • Sada Dibata, sada kelang-kelang (5)

    • Tebusen man kerina manusia (6)

  • Petunjuk man dilaki ras diberu (8-15)

    • Sederhana i bas peruis (9, 10)

2  Perlebe kupindoken gelah erbage-bage pemindon, toto, ras pengatan bujur ipeseh guna erbage-bage jelma,  guna raja-raja ras kerina si kedudukenna meganjang. Alu bage banci terus sidalani geluhta alu tenang ras dame i bas nembah Dibata, janah serius i bas kai pe.  Enda me si mehuli ras si ngena ate Dibata, Si Nelamatken kita,  si ersura-sura gelah erbage-bage kalak iselamatken janah ndatken pemeteh si tepat kerna kebenaren.  Sada ngenca Dibata, janah sada kelang-kelang* antara Dibata ras manusia, eme sekalak dilaki, Kristus Jesus,  si ngkorbanken dirina jadi tebusen guna nggalari erga si iperluken gelah kerina manusia* ibebasken i bas dosa nari. Enda me kesaksin si ibereken i bas waktu si nggo itentuken.  Guna kesaksin enda me aku ipilih jadi perberita ras rasul, jadi guru man bangsa-bangsa i bas kiniteken ras kebenaren. Si kukataken enda tuhu kap, labo aku erbual.  Emaka ateku min gelah tiap dilaki i bas tiap ingan terus ertoto. Kalak si ertoto alu ngangkat tanna, arus min ia setia janah la nggit merawa bage pe sijawapen.  Bage ka pe si diberu, pejile min diri kena alu paken si sopan ras la lebihsa, janah beluh min kena rukur. Ula lebihsa gaya buk kena, ntah pe make emas, ntah mutiara, ntah pe paken si seh kel ergana. 10  Tapi, pejilelah diri kena alu perbahanen si mehuli, si sue ras sekalak diberu si ngaku nembah Dibata. 11  Sanga erlajar,* diberu arus sinik ras meteruk ukur. 12  La kuijinken sekalak diberu ngajar ntah pe ngkuasai dilaki. Tapi arus ia tetap sinik. 13  Sebap, leben nge Adam iciptaken asangken Hawa. 14  Janah labo Adam si kena tipu, tapi diberu e nge si kena tipu, dungna ilanggarna perentah Dibata. 15  Aminna pe bage, adi sekalak diberu melahirken, ilindungi me ia* adi terus ia erkiniteken, erkeleng ate, badia, janah beluh rukur.

Cataten kaki

Ntah “perantara.”
Ntah “gelah erbage-bage jelma.”
Maksudna, i bas runggun.
As. “kalak e.”