Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 PEMBAHASEN UTAMA | PUSTAKA SI BADIA—SEJARAH SI DEM ALU TENTANGEN

Pustaka Tetap Lit Amin Gia Banci Ceda

Pustaka Tetap Lit Amin Gia Banci Ceda

ANCAMEN: Papirus ras perkamen eme alat tulis utama si igunaken penulis ras si ncatat Pustaka si Badia. * (2 Timotius 4:13) Uga alat e banci erban Pustaka menukah ceda?

Papirus menukah cigat, ceda, janah menukah bene warnana. Nina Richard Parkinson ras Stephen Quirke, ahli Mesir kuno, ”Dungna papirus banci burburen ntah pe getem jadi abu. Sanga isusun, gulungen e banci dawanen ras macik erkiteken lembab, janah ipan kutu-kutu adi itanem.” Kenca idat, piga-piga papirus reh pedasna ceda erkiteken terus kena matawari ntah pe i bas ingan si lembab.

Perkamen dekahen tahan asangken papirus, tapi banci ceda adi la irawat ntah pe itama i bas suhu si seh kal lasna ntah pe bergehna, udara si lembab, ntah pe terus kena matawari. * Perkamen pe banci ka ceda iban kutu-kutu. Jadi, buku Everyday Writing in the Graeco-Roman East ngatakenca maka ”jarang kal naskah si nai banci tetap lit.” Adi Pustaka si Badia lanai lit, isina pe pasti bage.

UGA MAKA PUSTAKA TETAP LIT: Menurut undang-undang kalak Jahudi, tep-tep raja arus ”ibahanna sada salinen kitap undang-undang”, lima buku pemena i bas Pustaka. (Ulangen 17:18) Selain si e, kalak si ahli i bas ncatat erban melala kal salinen i bas abad pemena Masehi. Salinen e lit i bas sinagoga i Israel janah seh ku Makedonia! (Lukas 4:16, 17; Perbahanen 17:11)Uga maka salinen si seh kal tuana e lit denga seh asa gundari?

Naskah Gulungen Laut Mati banci ertahan ratusen tahun dekahna erkiteken isusun i bas tambe i gua si kerah

”Kalak Jahudi biasana nama gulungen i bas tambe (kudin taneh) gelah tahan dekah.” Kalak Kristen nerusken kebiasan enda. Emaka, piga-piga naskah si pemena idat i bas tambe, i ruangen tertutup, gua, ras i daerah si seh kal kerahna.

ASILNA: Lit ribun bagin naskah Pustaka, si piga-piga umurna lebih 2.000 tahun, lit denga gundari. La lit naskah si bagi Pustaka kal tuana janah melala kal salinenna, si rehna i bas masa si nai.

^ par. 3 Papirus iban arah sinuan-sinuan si turah i bas lau nari, cocok ras gelarna. Perkamen iban arah kulit rubia-rubia.

^ par. 5 Contohna, Deklarasi Kemerdekan Amerika Serikat itulis i bas perkamen. La seh 250 tahun kenca si e, tulisenna lanai terbaca.