Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 PEMBAHASEN UTAMA | PUSTAKA SI BADIA—SEJARAH SI DEM ALU TENTANGEN

Engkai Pustaka Banci Tetap Lit

Engkai Pustaka Banci Tetap Lit

Pustaka si Badia tetap lit. Asilna, banci idatndu ras iogendu buku e gundari. Janah sanga ipilihndu terjemahen Pustaka si mehuli, teklah kam maka kai si paksana iogendu e salinen si banci iteki sentudu ras naskah aslina. * Tapi, engkai maka Pustaka banci tetap lit aminna gia bahanna menukah ceda, itentang alu mesangat, janah isina sengaja iubah? Kai si erbahanca buku enda tuhu-tuhu istimewa?

”Gundari, tek aku adi Pustakangku pemere i bas Dibata nari”

Enterem si erlajar Pustaka seri perukurenna ras kai si itulis Paulus, ”Kerina si tersurat i bas Pustaka si Badia rehna i bas Dibata nari.” (2 Timotius 3:16) Kalak e tek maka Pustaka banci tetap lit erkiteken e Kata Dibata janah Dibata pe terus mastiken gelah buku e lit asa gundari. Faizal, si enggo ituriken i bas artikel si pemena, dungna nggit mbuktiken kata-kata e alu mpelajari Pustaka. Sengget kal ia nandangi kai si ipelajarina. Mis isedarina maka i bas Pustaka la lit ajaren si biasana iajarken i bas gereja. Selain si e, meriah kal ukurna ngoge janji Dibata kerna wari si pepagi si lit i bas Pustaka.

Nina, ”Gundari, tek aku adi Pustakangku pemere i bas Dibata nari. Erkiteken adi Dibata banci nepa si nasa lit, pasti lit gegehna mere kita sada buku ras mastiken gelah buku e tetap lit. Adi sipersoken ertina sisangsiken Dibata si Mada Kuasa! Ise kin situhuna kita?”​—Jesaya 40:8.

^ par. 3 Nehen artikel ”Bagaimana Memilih Terjemahan Alkitab yang Baik?” i bas majalah Menara Pengawal edisi 1 Mei 2008.