Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 TOPIK UTAMA | MALEKAT—TUHU NGE LIT? ENGKAI MAKA PENTING SIETEH?

Lit nge Malekat si Ngkawali Kam?

Lit nge Malekat si Ngkawali Kam?

Bas Pustaka si Badia la lit iajarken maka tiap jelma lit malekat si ngkawali ia. Memang pernah ikataken Jesus, ”Ingetlah, ola la meherga iakapndu kalak si kitik enda [ajar-ajar Jesus]. Sabap lit kap malekatna si katawari pe natap ku ayo Bapangku si i surga.” (Matius 18:10) Labo ikatakenna maka tiap jelma lit malekat si ngkawali ia, tapi alu jelas ikataken Jesus maka ikawali malekat-malekat kerina ajar-ajarna. Amin gia bage, selaku umat Dibata sieteh maka labo isampati malekat-malekat kita adi sengaja kita erban kesalahen si mbahayaken kegeluhenta.

Adi bage, isampati malekat-malekat nge manusia? Ue payo. (Masmur 91:11) Piga-piga kalak nggejapken gegeh si luar biasa arah Dibata erkelangken penampat ras pengkawali malekat. Bagi Kenneth, si ituriken bas pemena ogen enda, ia pe bage penggejapenna. La banci sihakimi perasanna e, banci jadi e tuhu. Saksi-Saksi Jahwe pe rusur igejapkenna penampat arah malekat paksa erberita si meriah. Perban malekat-malekat la banci siidah, la sieteh uga buena penampat si iberekenna man banta i bas erbage keadan. Emaka labo salah adi ngata bujur kita man Si Mada Kuasa perban nggo isampatiNa kita alu erbage cara.​—Kolose 3:15; Jakup 1:17, 18.