Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

Melala kalak si eragama tek nandangi tendi manusia si la banci mate

 TOPIK UTAMA | KAI NINA PUSTAKA KERNA KEGELUHEN RAS KEMATEN?

Lit nge Kegeluhen Kenca Kematen?

Lit nge Kegeluhen Kenca Kematen?

MELALA pendapat kerna kegeluhen ras kematen. Lit si ngatakenca, kenca mate banci denga ia nggeluh bas bentuk ras ingan si deban. Lit ka si tek maka kenca ia mate, tubuh ia mulihi bas kegeluhen si deban. Si deban ngatakenca kematen e kedungen kerinana.

Banci saja kam pe lit pendapatndu kerna si e, si ietehndu arah keluargandu ntah pe teman-temanndu. Perban melala kel pendapat kerna kai si terjadi man kalak mate, i ja ras ise nge si banci nampati kita ndatken jabapen si benar ras terteki kerna penungkunen e?

Enggo erabad-abad dekahna iajarken peminpin agama kerna tendi manusia si la banci mate. Melala kalak si eragama Kristen, Hindu, Jahudi, Islam, ras si debanna tek nandangi tendi si la erkematen, si ngataken maka kenca mate kulanta lit denga bagin si nggeluh i alam roh. Agama Buddha pe tek maka kenca mate, janah tubuh ka mulihi, si mate e ndatken keriahen ukur perban nggo ibebasken arah kiniseran. Keadan e igelarina Nirwana.

I bas kerina ajaren ndai, buen kalak si tek maka kematen e dalan ku kegeluhen bas ingan si deban. Bage pe, melala ka si ngatakenca kematen e sada bagin si arus terjadi bas kegeluhen, janah enda bagin arah peraten Dibata man jelma. Tapi kai nina Pustaka si Badia kerna si e? Ogendulah bagin seterusna guna metehsa. Banci saja kam sengget meteh jabapenna.