Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

Gelar Jahwe i bas empat hurup cakap Heber, ioge arah kemuhen ku kawes

Jaminen arah Hurup si Kitikna bas Cakap Heber

Jaminen arah Hurup si Kitikna bas Cakap Heber

Banci kin kita tek nandangi kerina janji Dibata? Tek Jesus kerna janji e, janah si megiken ajarenna pe banci tek. Coba ukurindu anding-andingen si ibereken Jesus paksa erkotbah ia i uruk, si icatat bas Matius 5:18. Nina Jesus ”Ingetlah katangku enda! Seh masap langit ras doni, sada titik ntah sada bagin si kitikna pe i bas undang-undang e la bene adi langa kin seh kerina kai si enggo isuratken e.”

Bas cakap Heber, gelar Dibata isuratken bas empat hurup janah si kitikna kel bas empat hurup e eme י (yod), si tersurat i pemena gelar Jahwe. * Selain si e, penulis-penulis bage pe kalak Parisi penting kel akapna tiap ”kata ras hurup si tersurat” bas hukum Dibata.

Nina Jesus amin gia langit ras doni masap, sada bagin si kitikna pe i bas Undang-undang e la banci bene adi lenga kin igenepi. Janah ikataken bas Pustaka si Badia langit ras doni tetap nteguh seh rasa lalap. (Masmur 78:69) Enda mbuktiken maka kerina bagin si kitikna kel pe bas Undang-Undang e pasti igenepi.

Penting nge bagin si kitik e man Jahwe? Penting kel. Cuba ukuri, paksa isuruh Jahwe kalak Israel erban korban paskah, la banci lit sada pe tulan biri-biri e si penggel. (Keluaren 12:46) Situhuna perentah e la mesera. Ieteh kalak Israel nge ngkai maka la banci lit tulan si penggel? Banci saja lang. Tapi Jahwe ietehNa janah enda situhuna nubuat si igenepi Mesias, paksa ia mate i tiang siksan janah la lit sada pe tulanna si penggel.Masmur 34:21; Johanes 19:31-33, 36.

Pelajaren kai si banci sidat arah kata-kata Jesus? Kita pe banci tek maka kerina janji Jahwe, seh ku bagin si kitikna, pasti terjadi. Kinitekenta banci reh paguhna arah hurup si kitikna bas cakap Heber enda!

^ par. 3 Hurup si kitikna bas cakap Junani eme iota janah seri ras י (yod) si ipake bas cakap Heber. Janah Jesus pe pernah katakenna kerna hurup e paksa ia ncakapken kerna Undang-Undang Musa i bas cakap Heber.