Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

Uga Carana gelah Meriah Kapndu Erlajar Pustaka janah Datndu Gunana?

Uga Carana gelah Meriah Kapndu Erlajar Pustaka janah Datndu Gunana?

ARUS ipinpin Josua kalak Israel ku Taneh Perjanjin. Enda pasti seh kel serana. Tapi, ipegegehi ras ipetetap Jahwe ukurna alu ngataken, “Tetaplah ukurndu, teklah.” IkatakenNa man Josua maka adi ibacana ras ipatuhina Undang-Undang Dibata, banci ibanna keputusen si mehuli ras banci ia berhasil.​—Josua 1:7, 8.

Kita nggeluh bas “masa si sulit si dem kiniseran,” emaka geluhta pe banci saja mesera. (2 Timotius 3:1) Adi berhasil ateta bagi Josua, perlu siikutken pedah si ibereken Jahwe. Perlu sibaca Pustaka alu ratur janah kai si nggo sipelajari e sipake guna erban keputusen si mehuli.

Tapi piga-piga arah kita banci saja la itehna cara erlajar Pustaka, ntah pe la meriah akapna erlajar. Tapi erlajar Pustaka seh kel pentingna. Sanga ipelajarindu kari kotak “ Cubaken Cara Enda,” banci kari tehndu carana gelah meriah kapndu erlajar ras erguna man bandu.

Nina pemasmur, ‘Bahan maka kuerti dingen kupatuhi undang-undangNdu, sebap meriah ukurku i bas matuhisa.’ (Masmur 119:35) Kam pe banci kang meriah kapndu erlajar Kata Dibata. Janah sanga terus kam erlajar Pustaka banci kari datndu permata rohani si mejile.

Aminna pe la kam minpin sada bangsa bagi Josua, pasti lit masalahndu. Emaka bagi Josua, pelajari ras patuhilah Kata Dibata. Adi lakokenndu, pasti banci ibanndu keputusen si mehuli ras banci kam berhasil.