Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

“Reh Tutusna” Mpegegehi Sada ras si Debanna

“Reh Tutusna” Mpegegehi Sada ras si Debanna

“Mari siperdiateken sada ras si debanna . . .  sipegegehilah sada ras si debanna, janah reh tutusna kita ngelakoken si e kerina erkiteken siidah wari e nggo reh deherna.”​—HEBER 10:24, 25.

ENDE-ENDEN: 90, 87

1. Engkai maka iiahken rasul Paulus kalak Heber si nggo jadi Kristen gelah “reh tutusna” kalak e mpegegehi sada ras si debanna?

BAS abad pertama, ipersingeti Paulus kalak Heber si nggo jadi Kristen, nina, “Mari siperdiateken sada ras si debanna gelah siiah-iahen kita i bas ncidahken kekelengen ras perbahanen si mehuli. Ula kita la reh ku perpulungen bagi si biasa ilakoken piga-piga kalak, tapi sipegegehilah sada ras si debanna, janah reh tutusna kita ngelakoken si e kerina erkiteken siidah wari e nggo reh deherna.” (Heber 10:24, 25) Banci saja mamang ate kalak e engkai maka isuruh Paulus gelah reh tutusna kalak e mpegegehi sada ras si debanna. La seh lima tahun kenca si e, jelas me alasenna. Iteh kalak e penghukumen Jahwe man kalak Jerusalem nggo ndeher. Isadari kalak e maka perlu ia mis lawes arah kota e bagi si iperentahken Jesus. (Lukas 21:20-22; Perbahanen Rasul-Rasul 2:19, 20) Wari e reh bas tahun 70, sanga ihancurken kalak Roma kota Jerusalem.

2. Engkai maka arus siukuri kerna mpegegehi kalak si deban khususna gundari?

 2 Gundari, situasita pe bali bagi kalak e. Wari Jahwe si “mejin” e nggo ndeher. (Joel 2:11) Kata-kata nabi Sepanya pe erguna man banta gundari, nina, “Wari [Jahwe] si mbelin enggo ndeher enggo seh kal deherna janah pedas me ia reh!” (Sepanya 1:14) E me alasenna maka arus “siperdiateken sada ras si debanna gelah siiah-iahen kita i bas ncidahken kekelengen ras perbahanen si mehuli.” (Heber 10:24) Arus lebih ermediate kita man turang seninata gelah banci sipegegehi kalak e sanga iperlukenna.

ISE SAJA SI MERLUKEN PERGEGEH?

3. Kai si ikataken rasul Paulus kerna mpegegehi? (Nen gambar pemena artikel.)

3 “Aru ate erbahanca keriahen lesap, tapi ranan mehuli erbahanca ate malem.” (Kuan-kuanen 12:25) Lit masana, kerina kita merluken pergegeh. Ijelasken Paulus maka kalak si ertanggung jawap mpegegehi kalak si deban pe perlu kang ipegegehi. Itulis Paulus man turang seninana i Roma, “Merhat kel aku jumpa ras kena gelah banci kubereken pemere i bas Dibata nari guna mpegegehi kena. Maksudku, gelah ipegegehi kena aku alu kiniteken kena, janah kupegegehi kena alu kinitekenku.” (Roma 1:11, 12) Rasul Paulus pe perlu kang ipegegehi.​—Baca Roma 15:30-32.

4, 5. Ise si perlu sipegegehi gundari? Engkai?

4 Gundari, banci sipegegehi turang seninata si ngelayani sepenuh waktu, misalna perintis-perintis si setia. Nterem kalak e nadingken kegeluhenna si ntabeh gelah banci merintis. Si debanna eme utusen injil, anggota Betel, pertua keliling ras diberuna, ras kerina si ngelayani bas kantor penerjemahan jarak jauh. Kerina kalak e erban pengorbanen gelah banci mereken terbuen waktuna guna ngelayani Jahwe. Emaka perlu kel sipegegehi kalak e. Lit ka turang seninata si atena banci terus ngelayani Jahwe sepenuh waktu, tapi lanai banci. Kalak e pe pasti meriah kel ukurna adi ipegegehi.

5 Ise nari si banci sipegegehi? Banci sipegegehi turang senina si ipilihna la erjabu perban atena patuh man Jahwe gelah erjabu ‘asalken ras pengikut Tuan.’ (1 Korinti 7:39) Diberu si nggo erjabu pe terpegegehi kel ia sanga ikataken dilakina man bana maka keleng kel atena ia janah bujur kel katakenna perban kerina si ilakoken diberuna. (Kuan-kuanen 31:28, 31) Kalak Kristen si tetap setia amin gia ianiaya bage pe si sakit perlu ka ipegegehi. (2 Tesalonika 1:3-5) Ihibur Jahwe ras Jesus kerina kalak si tetap setia.​—Baca 2 Tesalonika 2:16, 17.

PERTUA-PERTUA BANCI MPEGEGEHI KITA

6. Kai si banci sipelajari arah tanggung jawap pertua bas Jesaya 32:1, 2?

6 Baca Jesaya 32:1, 2Kita nggeluh bas masa si mesera emaka gampang kel kita sedih ras kitik ukurta. Igunaken Jesus kalak si ipilihna ku surga ras “peminpin-peminpin” si setia arah biri-biri si deban guna mpegegehi kita. Pertua bas runggun labo “tuan” kinitekenta tapi “teman erdahin” bas keriahen ukurta. Ate kalak e nampati kita gelah tetap bahagia ras setia.​—2 Korinti 1:24.

7, 8. Uga pertua-pertua mpegegehi kalak si deban arah ranan bage pe perbahanenna?

 7 Pertua-pertua banci ngusih rasul Paulus, si terus erusaha mpegegehi turang seninana. Itulisna surat man kalak Kristen i Tesalonika si ianiaya, nina, “Erkiteken kelengna ate kami nandangi kena, meriah ukur kami mpeseh berita si meriah i bas Dibata nari man kena, janah kesah kami pe ibereken kami man kena perban keleng kel ate kami kena.”​—1 Tesalonika 2:8.

8 Pertua-pertua banci mpegegehi kalak si deban alu rananna. Tapi mon-mon e labo bias. Ikataken Paulus man pertua-pertua i Epesus, “Arus isampati kena kalak si lemah janah arus inget kena kata-kata Tuan Jesus eme, ‘Riahen kap i bas mere asangken i bas ngalo.’” (Perbahanen Rasul-Rasul 20:35) Paulus labo mpegegehi turang seninana saja, tapi nggit ia “mereken kerinana ras ngkorbanken kerinana guna” turang seninana. (2 Korinti 12:15) Bage ka pe, pertua-pertua perlu ipegegehina ras ihiburna kalak si deban labo arah rananna saja tapi arus icidahkenna arah perbahanenna. Enda mbuktiken maka tuhu-tuhu iperdiateken kalak e kita.​—1 Korinti 14:3.

9. Uga pertua-pertua mereken nasehat si mpegegehi?

9 Guna mpegegehi turang senina, mon-mon perlu ibere pertua nasehat. Banci ipelajari pertua kerna uga carana mereken nasehat arah Pustaka. Ibereken Jesus contoh si mejile bas mereken nasehat sanga ikirimna pesan man runggun i Propinsi Asia kenca ia ipekeke. Iberena nasehat si tegas man runggun i Epesus, Pergamon, ras Tiatira. Tapi sope iberena nasehat, ipujikenna kai si mehuli si nggo ilakoken kalak e. (Ketangkasen 2:1-5, 12, 13, 18, 19) Ikataken Jesus man runggun i Laodikea, “Kerina kalak si kukelengi, kupersingeti ras kudisiplin. Emaka, semangatlah janah ertobatlah.” (Ketangkasen 3:19) Pertua-pertuata pe erusaha guna ngusih Jesus i bas mereken nasehat.

LABO PERTUA NGENCA SI PERLU MPEGEGEHI KALAK SI DEBAN

Orang tua, terus nge iajarindu anakndu gelah mpegegehi kalak si deban? (Nen paragrap 10)

10. Uga carata mpegegehi sada ras si debanna?

10 Labo pertua saja si perlu mpegegehi kalak si deban. Iiahken Paulus kerina kalak Kristen gelah ngataken “kai si mehuli guna mpegegehi paksa iperluken, gelah erguna” man kalak si deban. (Epesus 4:29) Kerina kita perlu mperdiateken kai si iperluken kalak si deban gelah banci sisampati ia. Itulis Paulus man kalak Heber si nggo jadi Kristen, “Pegegehilah tan kena si lemah, bage pe tiwen kena si la ergegeh. Janah alu nahe kena, teruslah pinter kena erdalan gelah bagin si lemah la reh kelekna tapi jadi malem.” (Heber 12:12, 13) Kerina kita banci mpegegehi ras mereken semangat sada ras si debanna alu rananta, amin gia kita nguda denga.

11. Kai si nampati Marthe sanga stres akapna?

11 Sekalak turang seninata si diberu si gelarna Marthe pernah stres kel akapna. * (Nen keterangen tambahen.) Itulisna, “Bas sada wari sanga aku ertoto gelah ipegegehi, jumpa aku ras sekalak senina si nggo metua, iberekenna kai si  kuperluken kel paksa si e, eme kekelengen ras perkuah ate. Iceritakenna ka bangku pengalamenna si bali bagi si kualami. Enda mpegegehi aku kel.” Banci saja la isadari turang seninata si nggo metua e maka mbelin kel pengaruh kata-katana man Marthe!

12, 13. Uga carata ndalanken nasehat bas Pilipi 2:1-4?

12 Itulis Paulus man kalak Kristen i Pilipi, “Adi sikeleng-kelengen kena, siapul-apulen erkiteken keleng ate, mpegegehi sada ras si debanna selaku pengikut Kristus, ermediate, janah rate mekuah, banlah meriah kel ukurku alu ncidahken maka seri perukuren ras kekelengen kena, bage pe tuhu-tuhu ersada kena janah seperukuren. Ula lakoken kai pe erkiteken nggit rubati ntah pe erkiteken mentingken bana, tapi alu meteruk ukur anggaplah kalak si deban ganjangen asangken kena, janah perdiatekenlah kepentingen kalak si deban labo kepentingenndu saja.”​—Pilipi 2:1-4.

13 Kerina kita arus siperdiateken kalak si deban gelah banci sisampati ia. Emaka perlu kita “siapul-apulen erkiteken keleng ate,” “sikeleng-kelengen,” ras “ermediate, janah rate mekuah” gelah turang seninata terpegegehi.

PIGA-PIGA CARA I BAS MPEGEGEHI

14. Kai sada cara guna mpegegehi kalak si deban?

14 Meriah kel ukurta sanga megi kalak si pernah sisampati mbarenda tetap setia. Itulis rasul Johanes, “La lit si banci erbanca ukurku teriahen asangken  megi anak-anakku terus erdalan i bas kebenaren.” (3 Johanes 4) Nterem perintis meriah kel akapna sanga itehna maka kalak si pernah isampatina erlajar Pustaka tetap setia ngelayani Jahwe, apai ka adi jadi perintis ia. Emaka adi lit perintis si sangana kitik ukurna, banci sisingetken man bana kerna kai si mehuli si nggo ilakokenna guna nampati kalak si deban.

15. Kai si banci silakoken guna mpegegehi kalak si ngelayani alu setia?

15 Melala pertua keliling si ngataken maka ia ras diberuna terpegegehi sanga idat kalak e surat pengatan bujur arah runggun si idahina. Enda pe igejapken pertua, utusen injil, perintis, bage pe anggota Betel, si setia ngelayani Jahwe. La siteh uga belinna pengaruh pengatan bujurta banci mpegegehi kalak e. 

CARATA MPEGEGEHI KALAK SI DEBAN

16. Kai cara si sederhana si banci mpegegehi kalak si deban?

16 Uga adi mesera akapndu ngataken kata-kata pergegeh man kalak si deban? Situhuna, labo mesera mpegegehi kalak si deban. Cuba ciremindu ia. Adi la balasna ciremndu, banci jadi sangana lit masalahna janah perlu ia teman ngerana. Emaka alu mbegiken ia saja pe, ihiburndu ia.​—Jakup 1:19.

17. Kai si mpegegehi turang seninata Henri?

17 Sekalak turang senina si dilaki si gelarna Henri, kitik kel ukurna perban lit piga-piga keluargana si lanai ngelayani Jahwe. Salah sada eme bapakna, si pernah jadi pertua. Iperdiateken  pertua keliling maka sedih kel akap Henri, emaka iajakna ia minem kopi. Tutus kel atena megiken sanga iceritaken Henri uga perasanna. Kenca si e, isadari Henri maka sada ngenca carana gelah keluargana mulihken ku Jahwe eme alu tetap setia. Terhibur ka ia sanga ibacana Masmur 46, Sepanya 3:17, ras Markus 10:29, 30.

Kerina kita banci mereken pergegeh ras penghiburen man sada ras si debanna (Nen paragrap 18)

18. (a) Kai si itulis Raja Salomo kerna mpegegehi? (b) Kai si ikataken rasul Paulus gelah silakoken guna mpegegehi kalak?

18 Kai si banci sipelajari arah pengalamen Marthe ras Henri? Kerina kita banci sihibur ras sipegegehi turang seninata si merluken penampat. Itulis Raja Salomo, “Seh kal riahna ukur adi terbelasken, kata si payo i bas paksa si payo. Ngidah ayo si siang meriah kal ukurna, megi berita si mehuli reh senangna ka iakapna.” (Kuan-kuanen 15:23, 30) Selain si e, adi sibacaken bahan arah Sora Ermomo ntah pe situs webta, enda banci mpegegehi turang seninata si sangana sedih. Ikataken Paulus ka maka alu ngendeken lagu Kerajan ras-ras, banci erban pusuhta reh malemna. Itulisna, “Teruslah ngajar janah pegegehi sada ras si debanna alu masmur, puji-pujin man Dibata, ngendeken lagu-lagu rohani alu pengataken bujur, janah rendelah man Jahwe i bas pusuh nari.”​—Kolose 3:16; Perbahanen Rasul-Rasul 16:25.

19. Engkai maka mpegegehi e reh pentingna? Kai si arus silakoken?

19 Perban nggo reh deherna kita ku wari Jahwe, penting kel mpegegehi sada ras si debanna. (Heber 10:25) Pasti tetap meriah siakap adi silakoken nasehat Paulus enda, “Teruslah kena siiah-iahen janah mpegegehi sada ras si debanna, bagi si ilakoken kena.”​—1 Tesalonika 5:11.

^ par. 11 Gelarna nggo iganti.