Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 KEGELUHEN KRISTEN

Igunakenndu nge Kartu Kontak JW.ORG?

Igunakenndu nge Kartu Kontak JW.ORG?

Erkiteken nggo reh ndeherna kiniseran si mbelin, pendahin erberita seh kal pentingna. (Kua 24:11, 12, 20) Banci sisampati kalak nandai Kata Dibata bage pe situs Web-ta arah kartu kontak. I bas kartu e, lit kode si banci i-scan guna nonton video Ngkai Maka Perlu Erlajar Pustaka si Badia? Kartu e pe ngundang kalak gelah ndatken keterangen terbuen ntah pe erlajar Pustaka si Badia. Lit si la nggit ngaloken ogenta, tapi nggit mbuka situs Web-ta. Ula kam sangsi mereken kartu kontak man kalak e, tapi ula bereken man kalak si la ncidahken minat.

I bas kegiatenndu tep-tep wari, banci iberendu kesaksin alu ngataken, ”Kubereken ateku kartu enda. Ije lit situs web si isina keterangen ras video kerna erbage topik. Janah, kerinana la nggalar.” (Joh 4:7) Erkiteken kartu e kitik, banci babandu piga-piga janah banci iberekenndu katawari pe man kalak si deban.