Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 KEGELUHEN KRISTEN

Nggeluh guna Muji Jahwe!

Nggeluh guna Muji Jahwe!

Kegeluhen eme hadiah si meherga. Merga ntah lang siakap kegeluhen e, teridah arah caranta ndalanisa. Selaku Saksi Jahwe, sipake bakat ras kelebihenta guna mereken kepujin man Jahwe, Si Mereken Kegeluhen. (Msm 36:10; Ket 4:11) Tapi, tiap wari siadapi kearunate bas doni si jahat enda si banci erban lemah rohaninta. (Mrk 4:18, 19) Emaka perlu sisungkuni banta, ’Nggo nge kubereken si mehulina man Jahwe? (Hos 14:2) Uga adi dahinku ngambati aku ngelayani Jahwe? Kai cita-cita rohaniku? Uga caraku mereken terbuen bas pelayanen?’ Adi lit idahndu kesempaten guna mpehuli pelayanenndu, ertotolah man Jahwe mindo penampat guna erban perubahen si iperluken. Teklah, mereken pujin man Jahwe banci erban kegeluhenta puas ras ermeriah ukur!​—Msm 61:9.

Guna ise ipakendu bakatndu?

TONTON VIDEO PAKELAH BAKATNDU GUNA JAHWE, KENCA SI E JABAB PENUNGKUNEN SI ITERUH ENDA:

  • Engkai maka rugi adi si pake bakatta man doni Setan enda? (1Joh 2:17)

  • Kai pasu-pasu si ialoken kalak si mereken si mehulina man Jahwe?

  • Alu cara kai saja banci sibereken bakat ras kelebihenta bas pelayanen?