Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 KEGELUHEN KRISTEN

Uga Carana Jadi Kalak si Tutus Mpelajari Pustaka

Uga Carana Jadi Kalak si Tutus Mpelajari Pustaka

Tetap nge kam setia ngadapi tentangen bagi iadapi Daniel? Tutus kel ate Daniel mpelajari Kata Dibata bage pe kerna nubuat si mesera ngangkaisa. (Dan 9:2) Banci kam tetap setia adi tutus atendu mpelajari Pustaka. Engkai maka bage? Enda banci mpegegehi kinitekenndu maka kerina janji-janji Jahwe pasti terjadi. (Jos 23:14) Enda pe banci mpegegehi kekelengenndu man Dibata, janah ngiahken kam ngelakoken si benar. (Msm 97:10) Tapi uga cara mbenakenca? Perdiateken piga-piga carana.

  • Uga arusna carangku erlajar? Salah sada cara si mejile alu erban persikapen guna perpulungen. Melala manfaat si idatndu adi banndu waktundu mpelajari kai si la iangkandu arah pengogen Pustaka tiap minggu. Selain si e, lit ka si milih guna mpelajari nubuat Pustaka, ulih arah kesah si badia, kerna pelayanen rasul Paulus, ntah pe kerna tinepa Jahwe. Adi lit denga penungkunenndu kerna Pustaka, mislah catat janah ban e jadi bahan risetndu bas pelajarenndu si reh.

  • I ja kudarami terbuen keterangen? Guna meteh penampat si deban, tontonlah video Penampat guna Ndarami Permata Rohani. Guna latihen, cuba risetndu ise saja penguasa doni si iandingken bagi rubia-rubia si merawa si icatat i Daniel bindu 7.

  • Asa dekahna waktu si kupake guna erlajar? Gelah mejile kerohaninta kuncina eme erlajar alu ratur. Tangtangna, la padah ndekahsa, tapi adi banci, tambahi waktundu tiap erlajar. Mpelajari Kata Dibata seri bagi ndarami erta si terbuni; reh buena erta si idatndu, reh riahna akapndu guna ndarami terbuen! (Kua 2:3-6) Dungna sura-surandu guna mpelajari Kata Dibata reh gegehna, janah mpelajari Pustaka nggo jadi kebiasan bas geluhndu.​—1Pet 2:2.

KAI ERTI RUBIA-RUBIA SI MERAWA BAS DANIEL BINDU 7?

  • Dan 7:4

  • Dan 7:5

  • Dan 7:6

  • Dan 7:7

PENUNGKUNEN TAMBAHEN:

Uga Daniel 7:8, 24 nggo igenepi?

PELAJAREN SELANJUTNA:

Kai erti rubia-rubia si merawa si igambarken bas Ketangkasen bindu 13?