Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 KEGELUHEN KRISTEN

Orang Tua, Sampati Anakndu gelah Rembak ras Jahwe

Orang Tua, Sampati Anakndu gelah Rembak ras Jahwe

Orang tua si ngkelengi Dibata ersura-sura kel gelah anakna setia ngelayani Jahwe. Orang tua banci nampati kalak e ngelakokenca alu ngajarken Kata Dibata ku bas pusuh anak-anakna mulai bayi nari. (Ul 6:7; Kua 22:6) Perlu nge orang tua erkorban i bas ngelakokenca? Perlu kel! Tapi pengorbanenndu e labo sia-sia.​—3Joh 4.

Melala si banci ipelajari orang tua arah Jusup ras Maria nari. ‘Tiap tahun kalak e lawes ku Jerusalem guna ngerayaken Paskah,’ amin pe melala usaha ras biaya si iperluken. (Luk 2:41) Si pentingna kel man Jusup ras Maria eme gelah keluargana rembak ras Jahwe. Gundari pe, orang tua banci mabai anakna bas dalan si benar alu nggunaken tiap kesempaten ngajari kalak e arah ranan ras perbahanen.—Msm 127:3-5.

TONTON VIDEO IGUNAKEN KALAK E TIAP KESEMPATEN, KENCA SI E JAWAP PENUNGKUNEN ENDA:

  • Kai si ilakoken Jon ras Sharon Schiller gelah ngelayani Jahwe tetap si utamana, amin pe kalak e arus mpebelin anak-anakna?

  • Engkai maka arus berbeda cara orang tua i bas ngajari ras mere disiplin man tiap anakna?

  • Uga orang tua banci nikapken anak-anakna gelah ngasup ngadapi tantangen si nguji kinitekenna?

  • Penampat kai arah organisasi Jahwe si nggo ipakendu guna nampati anakndu jadi teman Jahwe?

Utamakenlah kegiaten rohani bas keluargandu