Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 KEGELUHEN KRISTEN

Ndatken Keriahen Ukur bas Erberita si Meriah

Ndatken Keriahen Ukur bas Erberita si Meriah

Pernah nge mesera akapndu erberita? Melala si ngataken ue. Engkai? Banci saja perban jumpa ras kalak si la mediate ras si la mehuli pengalo-ngalona ntah pe perban kita mbiar ngerana ras kalak si lenga sitandai. Enda banci nguraki keriahen ukurta. Tapi, kita nembah Dibata si ermeriah ukur, ateNa gelah kita ngelayani Ia alu meriah ukur. (Msm 100:2; 1Tim 1:11) Kai telu alasen ermeriah ukur bas erberita?

Si pemena, kita erberita kerna arapen. Gundari, melala kalak la lit arapenna, emaka perlu sipeseh ”berita si mehuli”. (Jes 52:7) Berita si meriah kerna Kinirajan Dibata pe banci erban kita ermeriah ukur. Emaka ope erberita, ukuri lebe pasu-pasu si nandangi ibereken Kinirajan Dibata man doni enda.

Si peduaken, berita si meriah e erguna man kesehaten daging ras rohani. Kalak si megiken berita e banci erlajar guna ngambekken kebiasan si la mehuli janah ndatken kesempaten nggeluh si rasa lalap. (Jes 48:17, 18; Rom 1:16) Sibayangken dirinta ikut i bas pendahin guna ndarami ras nelamatken kalak. Amin lit si la nggit iselamatken, tetap sidarami kalak si nggit.Mat 10:11-14.

Si peteluken, ras si pentingna, dahinta erberita nghamati Jahwe. Penting kal iakapNa dahinta guna erberita. (Jes 43:10; Heb 6:10) Selain si e, ibereNa kesah si badia alu simpar man banta guna ngelakoken pendahin e. Emaka, banci kita ertoto mindo keriahen ukur, eme ulih kesah si badia. (Gal 5:22) Alu penampatNa, la aru ateta janah banci kita erberita alu pang. (Perb 4:31) Jadi, la soal uga tanggapen kalak, banci sidatken keriahen ukur bas erberita.Esek 3:3.

Sifat si uga atendu cidahkenndu bas pelayanen? Uga kam banci ncidahken keriahen ukur?

TONTON VIDEO ERGIAH-GIAH MULIHI ALU ERLAJAR RAS NGUKURISA, RAS JABAP PENUNGKUNEN ENDA:

  • Engkai kita arus mperdiateken kebiasan erlajarta, amin gia rajin kita erberita tiap bulan?

  • Kai si banci siusih arah Mary?

  • Ndigan waktu si ibanndu guna ngukuri Kata Dibata?

  • Kai si erban kam ermeriah ukur paksa erberita si meriah?