Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 KEGELUHEN KRISTEN

Banci nge Nenndu Sipat-Sipat Dibata si La Teridah?

Banci nge Nenndu Sipat-Sipat Dibata si La Teridah?

Sanga idahndu bunga si warna-warni, bintang-bintang i langit, ntah pe air terjun, banci nge inenndu uga hebatna Si Nciptakenca? Banci siteh sipat-sipat Jahwe arah kai si iciptakenNa si lit i sekelilingta. (Rom 1:20) Alu ngukuri si e kerina, banci siteh Dibata e mbelin kuasaNa, perkeleng, pentar, adil, janah melumbar i bas mere.​—Msm 104:24.

Kai saja ciptan Jahwe si banci idahndu tiap wari? Amin pe kam tading i kota, banci saja idahndu piga-piga jenis perik bage pe batang kayu. Kai saja gunana adi siperdiateken ciptan Jahwe? Lanai latihsa siakap rukur, labo masalahta saja ngenca siukuri, janah reh tekna kita maka banci bereken Jahwe kerina keperlunta seh rasa lalap. (Mat 6:25-32) Adi lit anakndu, sampatilah ia gelah banci ka idahna sipat-sipat Jahwe si luar biasa. Reh rusurna siperdiateken ciptan Jahwe reh rembakna kita ras Ia.​—Msm 8:4, 5.

TONTON VIDEO SIPAT-SIPAT DIBATA TERIDAH ARAH CIPTANNA—CAHAYA RAS WARNA, KENCA SI E JAWAP PENUNGKUNEN ENDA:

  • Engkai maka banci siidah erbage-bage warna?

  • Engkai maka banci lit warna-warna si kilat (iridescence)?

  • Engkai maka banci lit erbage-bage warna i langit?

  • Ciptan Jahwe si apai si mejilena kel kapndu warnana si banci inenndu i sekelilingndu?

  • Engkai maka perlu siban waktuta guna mperdiateken ciptan Jahwe?

Kai si banci ipelajarindu kerna sipat-sipat Jahwe arah cahaya ras warna?