Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 KEGELUHEN KRISTEN

Reh Beluhna bas Pelayanen—Nampati Kalak si “Pusuh ras Perbahanenna Ngaloken Kebenaren” Jadi Murid

Reh Beluhna bas Pelayanen—Nampati Kalak si “Pusuh ras Perbahanenna Ngaloken Kebenaren” Jadi Murid

ENGKAI MAKA PENTING: Iban Jahwe benih kebenaren turah bas kalak si “pusuh ras perbahanenna ngaloken kebenaren guna kegeluhen si rasa lalap.” (Perb 13:48; 1Kor 3:7) Sidukung Jahwe adi sidahi kalak si nggit ngaloken berita si meriah. (1Kor 9:26) Arus iangkai kalak si erlajar Pustaka maka perlu ia iperidiken gelah banci selamat. (1Pet 3:21) Banci kalak e jadi murid adi sisampati ia erban perubahen, erberita, ngajar, janah mereken kegeluhenna man Jahwe.​—Mat 28:19, 20.

UGA CARANA:

  • Siingetken kalak si erlajar Pustaka maka tujunna erlajar eme ‘nandai’ Jahwe janah erban meriah ukur Jahwe.​—Joh 17:3

  • Gelah banci ia maju secara rohani sisampati ia ngadapi tentangenna, contohna kebiasan ras pergaulen si la mehuli

  • Sipegegehilah ia sope iperidiken bage pe kenca iperidiken.​—Perb 14:22

TONTONLAH VIDEO ISAMPATI DIBATA JAHWE NGE KAM, JANAH JAWAP PENUNGKUNEN ENDA:

  • Kai si erban piga-piga kalak mbiar mereken kegeluhenna man Jahwe janah iperidiken?

  • Kai si banci ilakoken pertua bas nampati si erlajar Pustaka gelah maju secara rohani?

  • Kai si banci sipelajari kerna Jahwe arah Jesaya 41:10?

  • Sipat kai si nampati kita ngelayani Jahwe alu cara si ngena ateNa amin pe kita la sempurna?

Uga kita ndukung Jahwe bas njadiken murid?