Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 KEGELUHEN KRISTEN

Uga Carandu Nikapken Diri guna Acara Peringet-ingeten?

Uga Carandu Nikapken Diri guna Acara Peringet-ingeten?

Mulai tahun enda, reh buena waktuta nikapken diri guna acara Peringet-ingeten kematen Kristus. Adi acara Peringeten e antara wari Senin seh Jumat, lanai lit perpulungen Pelayanen ras Kegeluhen Kristen. Tapi adi acara Peringeten e bas wari Sabtu ntah Minggu, lanai lit khotbah bage pe Pelajaren Sora Ermomo. E me alasenna maka reh buena waktuta guna nikapken diri. Bagi abad si pertama, melala kel si arus isikapken guna acara Peringeten. (Luk 22:7-13; km-IN 15/3 1) Gundari pe arus kita erban persikapen gelah banci ndatken manpaat arah acara e. Kai si banci silakoken?

  • Siukurilah ngkai maka penting reh ku acara Peringeten.​—1Kor 11:23-26

  • Siukuri ka uga rembakna kita ras Jahwe janah totoken kerna si e.​—1Kor 11:27-29; 2Kor 13:5

  • Baca janah ukuri ayat-ayat Pustaka bage pe oge-ogen si njelasken kerna tujun acara Peringeten.​—Joh 3:16; 15:13

Bas minggu-minggu Peringeten, lit si mbaca bage pe ngukuri pembacan Pustaka si lit bas buku Mereksa Pustaka si Badia Tiap Wari. Lit ka si mbaca ayat-ayat Pustaka si lit bas daptar i teruh enda. Si debanna, ibacana ka mulihi majalah Sora Ermomo si mbahas kerna acara Peringet-ingeten bage pe kerna kekelengen Jahwe ras Jesus. Cara si apai pe si ipilihndu, mbera banci kam reh rembakna ras Jahwe bage pe AnakNa.