Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 KEGELUHEN KRISTEN

Erberita ras Ngajar​—Penting guna Erban Murid

Erberita ras Ngajar​—Penting guna Erban Murid

Iperentahken Jesus pengikutna lawes ras erban murid. (Mat 28:19) Enda termasuk erberita ras ngajar. Arus terus si pereksa dirinta alu penungkunen, ‘Uga aku banci reh beluhna bas pendahin si penting e guna erban murid?’

ERBERITA

Labo sitimai kalak si reh ndahi kita, tapi kita me si arus lawes ndarami kalak si “nggit” ngalo-ngalo. (Mat 10:11) Sanga kita erberita, adi lit kesempaten mis nge kita erberita man kalak? (Perb 17:17) Perban Paulus rajin erberita, asilna Lidia pe banci jadi murid.​—Perb 16:13-15.

“Tupung erpagi-pagi arus kam merdang bage ka lah perbahanenndu tupung berngi” (Peng 11:6)

TONTONLAH VIDEO TERUSLAH ERBERITA “ULA NGADI”—KESAKSIN SI LA RESMI RAS ARAH RUMAH KU RUMAH, KENCA SI E JAWAP PENUNGKUNEN ENDA:

  • Bas kegiatenna tiap wari, uga Samuel mbuktiken maka lalap idaramina cara guna nuan benih kebenaren?

  • Engkai maka arus tutus ateta ngelakoken erbage bentuk pelayanen?

  • Man ise atendu ipesehndu berita Kerajan bas kegiatenndu tiap wari?

NGAJAR

Guna erban murid, labo bias terjeng nadingken bacan saja man kalak. Guna nampati kalak erban kemajun rohani, arus sidahi ka ia mulihi ras siajarken isi Pustaka. (1Kor 3:6-9) Tapi, uga adi sitik ngenca asilna amin pe nggo rajin kita bas ngajari kalak kerna kebenaren Kerajan? (Mat 13:19-22) Arus terus sidarami kalak si pusuhna bali bagi “taneh si subur.”​—Mat 13:23; Perb 13:48.

“Aku si nuanca, Apolos si niramsa; tapi Dibata si erbahanca turah” (1Kor 3:6)

TONTONLAH VIDEO TERUSLAH ERBERITA “ULA NGADI”—BAS INGAN SI ENTEREM JELMA RAS NJADIKEN MURID, KENCA SI E JAWAP PENUNGKUNEN ENDA:

  • Uga cara Salomo ras Maria niram benih kebenaren i bas pusuh Esekiel ras Abigail?

  • Kai arusna tujunta bas kerina bentuk pelayanen, termasuk erberita bas ingan si nterem jelma?

  • Uga carana gelah kita reh ulina bas ngajarken kebenaren man kalak si deban?