Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 KEGELUHEN KRISTEN

Alo-alolah Kalak e

Alo-alolah Kalak e

Ise saja si man alo-alon? Kerina kalak si ngikuti perpulungenta, kalak si mbaru ntah pe si ndekah. (Rom 15:7; Heb 13:2) Banci saja teman sada kinitekenta arah negara si deban ntah kalak si la aktif ertahun-tahun. Bayangken adi kam jadi ia. Pasti meriah ukurndu ialo-alo. (Mat 7:12) Emaka usahakenlah ngalo-ngalo kalak bas Bale Kinirajan ope lenga perpulungen ibenaken ntah pe kenca perpulung-en. Enda pasti nambah keriahen ukur janah maba kemulian man Jahwe. (Mat 5:16) Banci saja la sempat sicakapi kerina, tapi adi kerina kita ngelakoken si e pasti kerina nggejapken keriahen ukur. *

Katawari pe sialo-alo kalak alu mehuli labo bas paksa acara si istimewa saja bagi acara Peringeten. Paksa sekalak si mbaru reh ngidah ras nggejapken kekelengen Kristen, enda banci ngiahken ia guna muji ras ngelayani Dibata radu ras kita.Joh 13:35.

^ par. 3 Pustaka mbatasi hubungenta ras kalak si ipecat ntah pe si nerapken bana arah perpulungen.—1 Kor 5:11; 2 Joh 10.