Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 Pelajaren 11

Tulaklah Agama Palsu!

Tulaklah Agama Palsu!

Setan ras begu-beguna la atena kam ngelayani Dibata. Adi banci, ate kalak enda mpedauh kerina jelma arah Dibata. Alu cara uga saja kalak e ngelakokenca? Salah sada carana eme arah agama palsu. (2 Korinti 11:13-15) Sada agama ikataken palsu adi agama e la ngajarken kebenaren si lit i bas Pustaka si Badia. Agama palsu bali bagi sen palsu—tempa-tempa asli, tapi la lit ergana. Agama palsu banci ngerehken melala kesuliten man bandu.

Agama palsu la pernah erbahan senang ukur Jahwe, Dibata kebenaren. Paksa Jesus i doni, lit sada terpuk agama si ersura-sura munuh ia. Iakap kalak e carana nembah Dibata enggo benar. Kalak e ngatakenca, ”Sada ngenca Bapa kami, e me Dibata.” Setuju nge Jesus? Lang! Nina man kalak enda, ”Bapandu si Iblis nge janah tuhu-tuhu kam anakna.” (Johanes 8:41, 44) Genduari melala kalak erpengakap maka ia nembah Dibata, tapi situhuna kalak e ngelayani Setan ras begu-beguna!​—1 Korinti 10:20.

 Bali bagi batang kayu si la mehuli erbuahken buah si la mehuli, agama palsu erbahan kalak ngelakoken si la mehuli. Doni enda dem alu perbeben erkiteken melala kalak ngelakoken kai si la mehuli. Misalna, erlua-lua, rubat, nangko, penindasen, pemunuhen ras pemerkosan. Melala kalak si ngelakoken si la mehuli enda enggo eragama, tapi agamana la ngasup erbahan kalak e ndalanken si mehuli. Kalak e la banci jadi teman Dibata, seakatan itadingkenna perbahanen si la mehuli.​—Matius 7:17, 18.

Agama palsu ngajar kalak ertoto kempak gana-gana. Dibata ngelarang kita ertoto kempak gana-gana. Enda masuk akal. Senang nge kam adi sekalak jelma ngerana bandu erkelangken potondu saja, tapi la pernah ia ngerana ras kam? Banci kin kalak si bage jadi kandu-kandundu? La banci. Ate Jahwe gelah kerina kalak ngerana kempak Ia, labo kempak patung ntah pe gambar si sea-sea.​—Keluaren 20:4, 5.

Agama palsu ngajarken maka labo salah munuh kalak i bas perang. Nina Jesus, teman-teman Dibata aruslah sikeleng-kelengen. Tentu, la sibunuh kalak si keleng ateta. (Johanes 13:35) Aminna pe kalak e jahat, ersalah kita adi sibunuh. Paksa musuh-musuh Jesus reh guna nangkap ia, la ipediatna ajar-ajarna rubat ntah pe erjuang guna ngelindungi ia.​—Matius 26:51, 52.

Agama palsu ngajarken maka kalak si la megiken Dibata ndatken kiniseran i bas api neraka. Tapi, Pustaka si Badia ngajarken maka upah dosa e me kematen. (Roma 6:23) Jahwe, Dibata kekelengen kap. Masuk akal kin seh ukur Dibata niksa manusia rasa lalap? Tentu lang! I bas Pardis sada ngenca pagi agama, agama si ngena ate Jahwe. (Ketangkasen 15:4) Kerina agama si erpalasken guak si ibahan Setan nandangi lesap.