Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 Pelajaren 3

Kam Perlu Erlajar Kerna Dibata

Kam Perlu Erlajar Kerna Dibata

Gelah banci jadi teman Dibata, kam perlu erlajar kerna Ia. Adi teman-temanndu, ietehna nge ise gelarndu? Ipakena nge? Pasti. Ate Dibata pe gelah kam meteh ras make gelarNa. Gelar Dibata eme Jahwe. (Masmur 83:19; Matius 6:9) Kam pe arus erlajar kerna kai si ngena ateNa ras kai si la ngena ateNa. Kam pe perlu meteh ise teman-temanNa ras ise saja imbangNa. Perlu waktu guna nandai sekalak jelma. Pustaka si Badia ngataken maka kalak pentar nikapken waktu guna erlajar kerna Jahwe.​—Epesus 5:15, 16.

Teman-teman Dibata ngelakoken kai si ngena ateNa. Ukuri kerna teman-temanndu. Adi la mehuli pengelakondu man bana ras ibahanndu rusur si segat atena, nggit denga nge ia jadi temanndu? Pasti lang! Bage ka pe, adi kin atendu kam jadi teman Dibata, kam perlu ngelakoken kai si ngena ateNa.​—Johanes 4:24.

Labo kerina agama erbahan kita rembak ras Dibata. Jesus, kandu-kandu Dibata, nuriken kerna dua dalan. Sada dalan si mbelang ras enterem kalak ndalanisa. Dalan enda nuju kematen. Dalan si sada nari kitik janah piga-piga kalak ngenca ngasup arah e erdalan. Dalan enda nuju kegeluhen si rasa lalap. Ertina, adi nggit kam erbahan hubungen si rembak ras Dibata, kam arus mpelajari cara si payo i bas nembah Ia.​—Matius 7:13, 14.