Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 Pelajaren 15

Teman-teman Dibata Ngelakoken Kai Si Bujur Dingen Mehuli

Teman-teman Dibata Ngelakoken Kai Si Bujur Dingen Mehuli

Adi lit teman si iergai ras ihormatindu, tentu usahakenndu ngusih ia. ”Sabap [Jahwe] bujur dingen mehuli” nina Pustaka si Badia. (Masmur 25:8) Gelahna jadi teman Dibata aruslah kita bujur dingen mehuli. Pustaka si Badia ngatakenca, ”Erkiteken kam anak-anak kekelengen Dibata, usihlah Ia. Geluhndu arus erpalasken keleng ate.” (Epesus 5:1, 2) Enda me piga-piga cara ngelakokenca:

Senang nampati kalak si deban. ”Sibahanlah si mehuli man kerina manusia.”​—Galatia 6:10.

Mejingkat erdahin. ”Kalak si nangko gel-gel nari olanai ia nangko. Erdahinlah ia alu mehuli guna ncariken keperlunna.”​—Epesus 4:28.

Njaga kebersihen kula ras lagu langkah. ”Emaka sibersihkenlah banta i bas kerina si erbahanca kula ras tendinta meluat. Kita enggo khusus jadi sikerajangen Dibata.”​—2 Korinti 7:1.

 Engkelengi ras enghamati anggota keluargandu. ”Tep-tep perbulangen arus engkelengi ndeharana bagi ia engkelengi dirina, janah tep-tep ndehara arus mehamat man perbulangenna. O kam anak-anak! Ikutkenlah ajar orang tuandu.”​—Epesus 5:33–6:1.

Ncidahken kekelengen kempak kalak sideban. ”Sikeleng-kelengenlah kita sabap kekelengen e rehna i bas Dibata nari kap.”​—1 Johanes 4:7.

Patuh man undang-undang pemerentah. ”Kerina kam arus patuh man pemerentah si erkuasa, . . . berekenlah man sekalak-sekalak kai si patut ialokenna. Galarilah pajakndu man si ngaloken pajak.”​—Roma 13:1, 7.