Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 Pelajaren 13

Kinigurun Ras Ilmu Sihir E Salah

Kinigurun Ras Ilmu Sihir E Salah

Ate Setan gelahna kam make kinigurun. Nterem kalak erban cibal-cibalen man nini-ninina ntah pe begu-begu guna ngkawali ia arah bahaya. Kalak e ngelakokenca erkiteken mbiar kempak kuasa begu-begu, tendi kalak mate ras si debanna. Kalak e make cincin ntah pe gelang ajimat. Iinem ras isapuken kalak e ku dagingna ”tambar” si enggo itabasi. Lit si muniken i bas rumahna ntah pe i teruh taneh, barang-barang si itekina ergegeh mereken perlindungen. Lit ka si make ”ajimat” arah guru si baso sabap tek ia maka e banci erbahan ia berhasil i bas dahin ras usahana, ujian sekolah ntah pe i bas erteman-teman.

Jadi teman Jahwe eme si tuhu-tuhu engkawali kita arah Setan nari. Dibata Jahwe ras malekat-malekatNa ndauh gegehen asangken Setan ras begu-beguna. (Jakup 2:19; Ketangkasen 12:9) Seh kal merincuhna Jahwe ncidahken gegehNa guna nampati teman-temanNa—kalak si alu bulat ukur setia man BaNa.​—2 Kronika 16:9.

Pustaka si Badia ngatakenca ”Ula kam . . . erbahan kinigurun.” Jahwe numpahi kinigurun ras ilmu sihir sabap kalak si ndalanken si bage rupana enggo ndabuh ku bas pengaruh kuasa Setan si Iblis.​—Imamat 19:26.