Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 Pelajaren 9

Ise Saja Teman Dibata?

Ise Saja Teman Dibata?

Jesus Kristus e Anak Dibata, kandu-kanduNa ras si kelengna kal ateNa. Sope nggeluh i doni jadi manusia, Jesus nggeluh i surga selaku malekat si mbisa. (Johanes 17:5) Kenca si e, ia reh ku doni guna ngajarken kebenaren kerna Dibata kempak melala jelma. (Johanes 18:37) Ia pe mereken kegeluhenna selaku manusia guna nelamatken manusia si patuh arah dosa ras kematen nari. (Roma 6:23) Jesus gundari enggo jadi Raja i bas Kinirajan Dibata, sada pemerentahen i surga si nandangi njadiken Pardis i doni.​—Ketangkasen 19:16.

Malekat-malekat pe teman Dibata. Malekat-malekat asalna labo i bas manusia nari. Tapi, kalak e itepa i surga ope denga doni itepa Dibata. (Jop 38:4-7) Lit jutan malekat. (Daniel 7:10) Teman-teman Dibata enda merincuh gelah melala kalak erlajar kebenaren kerna Jahwe.

Dibata pe lit teman-temanNa i doni; IgelariNa kalak e saksi-saksiNa. I bas pengadilen sekalak saksi mpebetehken kai si ietehna kerna sekalak jelma ntah pe sada persoalen. Saksi-Saksi Jahwe mpebetehken ku kalak si deban kai si ietehna kerna Jahwe ras peratenNa. (Jesaya 43:10) Bali bagi malekat, Saksi-Saksi senang nampati kam mpelajari kebenaren kerna Jahwe. Kalak enda merhat gelah kam pe jadi teman Dibata.