Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 PENUNGKUNEN 10

Uga Pustaka si Badia Nampati Aku?

Uga Pustaka si Badia Nampati Aku?

ENGKAI ENDA PENTING

Pustaka ngataken maka, ”Kerina si tersurat i bas Pustaka si Badia rehna i bas Dibata nari.” (2 Timotius 3:16) Adi enda payo, Pustaka banci mereken petunjuk si iperlukenndu.

KAI SI ILAKOKENNDU?

Bayangken cerita enda: David maba motor i bas dalan si lenga pernah idalanina. Rambu-rambu ras petunjuk dalan nuduhken maka ia gundari lit i bas dalan si la seharusna ia i je. David sadar maka ia enggo papak. Ia enggo salah dalan.

Adi kam jadi David, kai si ilakokenndu?

UKURI LEBE!

Lit piga-piga pilihenndu:

  1. Nungkun man kalak si deban.

  2. Nggunaken peta ntah pe GPS.

  3. Tetap maba motor, janah ngarap jumpa dalan si tepat.

Jelaslah, pilihen si peteluken la masuk akal.

Pilihen peduaken lebih masuk akal asangken pilihen si pemena. Dungna, peta ntah pe GPS pasti nampati kam i bas perdalanen guna mulihken ku dalan si benar.

Alu cara si bali, Pustaka banci nampati kam!

Enda me buku si terlarisna, si banci

  • nampati kam ngatasi masalah kegeluhen

  • nampati kam erlajar kerna dirindu sendiri gelah jadi kalak si lebih mehuli

  • nuduhken man bandu uga carana ndatken kegeluhen si mehulina

 JABAPEN PENUNGKUNEN SI PENTING I BAS KEGELUHEN

Kenca kita banci ngerana, kita rusur nungkun.

  • Engkai langit rupana biru?

  • I ja nari asalna bintang?

Kenca reh belinna, kita mulai tersungkun-sungkun kerna situasi doni i sekelewetta.

Uga adi nai nari enggo lit jabapna i bas Pustaka si Badia?

Melala kalak ngatakenca Pustaka si Badia e dem alu dongeng ras mitos, Pustaka si Badia ketadingen jaman, ntah pe mesera kal ngangkaisa. Tapi tuhu kin Pustaka si Badia jadi persoalenna, ntah pendapat kalak kerna Pustaka si Badia nge?

Contohna, melala kalak erpengakap Pustaka si Badia ngajarken maka Dibata nge si engkuasai doni enda. Tuhu kin bage? Keadaan doni enda rontang dingen serbut! Melala kal kiniseran ras ceda ate, pinakit ras kematen, kemusilen, ras mara. Tuhu kin Dibata si perkeleng erbahanca kerina e?

Nggit nge kam meteh jabapenna? Kam banci saja sengget kerna jabapen Pustaka si Badia!

Nasihat i bas buku enda arah Pustaka si Badia nari. Saksi-Saksi Jahwe tek Pustaka si Badia si mereken bimbingen perban Pustaka si Badia e ”rehna i bas Dibata nari janah erguna i bas ngajari kalak kerna si ngena ate Dibata, mandang si lepak, pekena si salah dingen erguna i bas mereken pedah-pedah gelah nggeluh alu mehuli.” (2 Timotius 3:16, 17) Perlu iperiksandu sendiri buku si metua e, si erguna denga seh ngasa gundari!