Minter ku Konten

Saksi-Saksi Jahwe

Pilih bahasa Batak (Karo)

Uga Pendapatndu kerna Wari-Wari si Pepagi?

Uga Pendapatndu kerna Wari-Wari si Pepagi?

Keadan doni enda pagi . . .

  • bagenda-bagenda saja?

  • reh kelekna?

  • reh ulina nge?

 UGA NINA PUSTAKA SI BADIA

”Iapusi Dibata me kerina iluh anak-anakNa e. Janah lanai pagi lit kematen, ceda-ate, tangis ntah pe si mesui. Sabap si pemena enggo lepas.”​—Ketangkasen 21:3, 4, Pustaka si Badia I bas Cakap Karo, Edisi IV, Cetakan 2012.

GUNANA MAN BANTA

Ndatken dahin si mehuli ras meriah.​—Jesaya 65:21-23.

Lanai pagi lit pinakit ntah pe kiniseran.​—Jesaya 25:8; 33:24.

Nggeluh si senang la erkeri-kerin ras keluarga bage pe teman-temanta.​—Masmur 37:11, 29.

 BANCI KIN KITA TEK KAI SI IKATAKEN PUSTAKA SI BADIA MAN BANTA?

Banci. Silang-langna lit dua alasen:

  • Dibata ngasup nepati janjiNa. I bas Pustaka, Dibata Jahwe ngenca si igelari ”si Mada Kuasa”, sabap la ersibar kuasaNa. (Ketangkasen 15:3) Emaka, Ia pasti ngasup nepati janjiNa. Pustaka ngatakenca, ”I bas ­Dibata kai pe banci jadi.”​—Matius 19:26.

  • Merincuh kal Dibata nepati janjiNa. Contohna buku Jop ngatakenca, tedeh kal ate Dibata Jahwe mpekeke kalak si enggo mate.​—Jop 14:14, 15.

    Nina Pustaka Jesus pe mpepalem kalak si sakit. Engkai maka ipepalemna? Perbahan nggit ia ras mekuah atena. (Markus 1:40, 41) Bali ras Dibata, Jesus pe nggit nampati kalak si man sampaten.​—Johanes 5:19.

    Emaka, banci kita tuhu-tuhu tek nandangi kegeluhen si dem alu kesenangen i bas wari si pepagi, bagi peraten Dibata Jahwe ras Jesus man banta!​—Masmur 72:12-14; 145:16; 2 Petrus 3:9.

 SI MAN UKUREN

Uga cara Dibata mpehuli keadan doni enda?

Pustaka si Badia njabapsa i bas MATIUS 6:9, 10 ras DANIEL 2:44.