Minter ku Konten

Saksi-Saksi Jahwe

Pilih bahasa Batak (Karo)

Buku Kai kin Pustaka si Badia e?

Buku Kai kin Pustaka si Badia e?

Adi menurutndu?

  • Kata Dibata.

  • Tulisen manusia.

  • La nari asli.

 UGA NINA PUSTAKA SI BADIA

”Kerina si tersurat i bas Pustaka si Badia rehna i bas Dibata nari.”​—2 Timotius 3:16, Pustaka si Badia I bas Cakap Karo, Edisi IV, Cetakan 2012.

GUNANA MAN BANTA

Mereken jabapen si tangkas kerna erbage penungkunen penting soal kegeluhen.​—Kuan-kuanen 2:1-5.

Nuduhken dalan kegeluhen si terteki.​—Masmur 119:105.

Mereken arapen si pasti i bas wari-wari sipepagi.​—Roma 15:4.

 BANCI KIN KITA TEK KAI SI IKATAKEN PUSTAKA SI BADIA MAN BANTA?

Banci. Silang-langna lit telu alasen:

  • Isi Pustaka la lit si bertentangen. Pustaka si Badia itulis 40 kalak, masa penulisenna 1.600 tahun dekahna. Amin gia kalak e la sitandan, isi Pustaka si Badia e la bertentangen ras kerina njelasken sada tujun si penting!

  • Sejarah si terteki. Nterem penulis sejarah megati nutupi kesalahen bangsana. Tapi, kerina penulis Pustaka si Badia la ia mela nuratken kesalahenna bage pe kegagalen bangsana.​—2 Kronika 36:15, 16; Masmur 51:3-6.

  • Nubuatna terbukti. 200 tahun sope lenga kota Babilon italuken, enggo isuratken i bas Pustaka. (Jesaya 13:17-22) Uga carana kota Babilon e italuken ras gelar raja sinalukenca pe tersurat!​—Jesaya 45:1-3.

    Mbue kal nubuat Pustaka si nggo terjadi, seh ku keterangen si kitik-kitikna pe. La kin nge payo adi si e kerina jadi bukti si la tersimbak maka Pustaka si Badia tuhu-tuhu Kata Dibata?​—2 Petrus 1:21.

 SI MAN UKUREN

Uga carana Pustaka si Badia banci erban geluhndu reh ulina?

Pustaka si Badia njabapsa i bas JESAYA 48:17, 18 ras 2 TIMOTIUS 3:16, 17.