Minter ku Konten

Saksi-Saksi Jahwe

Pilih bahasa Batak (Karo)

Ise nge Situhuna Penguasa Doni Enda?

Ise nge Situhuna Penguasa Doni Enda?

Adi menurutndu?

  • Dibata.

  • Manusia.

  • Si debanna.

 UGA NINA PUSTAKA SI BADIA

”Kerina doni enda lit i bas kuasa si Jahat e.”​—1 Johanes 5:19, Pustaka si Badia I bas Cakap Karo, Edisi IV, Cetakan 2012.

”Anak Dibata reh . . . guna engkernepken pendahin Iblis.”​—1 Johanes 3:8.

GUNANA MAN BANTA

Sieteh kai nge sierbahanca maka melala perbeben i doni enda.​—Ketangkasen 12:12.

Kita banci tek maka doni enda reh jilena ras reh ulina me pagi.​—1 Johanes 2:17.

 BANCI KIN KITA TEK KAI SI IKATAKEN PUSTAKA SI BADIA MAN BANTA?

Banci. Silang-langna lit telu alasen:

  • Kekuasan Setan pasti kernep. Kerna si e, enggo itetapken Dibata Jahwe. Ia erjanji, ”italukenna . . . Iblis” ras mpehuli kerina si ceda bekas perbahanen Setan.​—Heber 2:14.

  • Jesus Kristus raja si ipilih Dibata guna merentah doni enda. Jesus la bali bagi Setan si kejam ras merangap. Janji Dibata kerna pemerentahen Jesus, ”Ikelengina kalak si la ergegeh dingen musil . . . ibebaskenna i bas penindasen dingen i bas kalak merawa nari.”​—Masmur 72:13, 14.

  • Dibata la mungkin erbual. Nina Pustaka, ”Labo mungkin Dibata erbual.” (Heber 6:18) Kai si ijanjiken Dibata Jahwe, pasti terjadi! (Jesaya 55:10, 11) ”Italuken me si Penguasa i bas doni enda.”​—Johanes 12:31.

 SI MAN UKUREN

Uga pagi keadan doni enda kenca pemerentahen Setan ikernepken?

Pustaka si Badia njabapsa i bas MASMUR 37:⁠10, 11 ras KETANGKASEN 21:3, 4.