Minter ku Konten

Saksi-Saksi Jahwe

Pilih bahasa Batak (Karo)

Kai Kunci Kesenangen i bas Keluarga?

Kai Kunci Kesenangen i bas Keluarga?

Menurutndu kai?

  • Ate ngena.

  • Sen.

  • Si debanna.

 UGA NINA PUSTAKA SI BADIA

”Tapi kalak si megiken Kata Dibata dingen ndalankenca, kalak si bage nge ndatken kemalemen ate si tuhu-tuhu”.​—Lukas 11:28, Pustaka si Badia I bas Cakap Karo, Edisi IV, Cetakan 2012.

GUNANA MAN BANTA

Ndatken kekelengen si tuhu-tuhu.​—Epesus 5:28, 29.

Ngajari kita gelah sihamaten ras sikeleng-kelengen.​—Epesus 5:33.

Mereken ketenangen ukur.​—Markus 10:​6-9.

 BANCI KIN KITA TEK KAI SI IKATAKEN PUSTAKA SI BADIA MAN BANTA?

Banci. Silang-langna lit dua alasen:

  • Dibata me kap Si Njadiken perjabun. Nina Pustaka, Dibata Jahwe me si mpersada Adam ras Hawa. (Kejadin 2:18-24) Emaka banci sikataken Dibata Jahwe me Si Njadiken keluarga. Kai ertina man banta?

    Pertimbangken enda: Bicara lit sada gulen si ntabeh, janah merincuh kam meteh kai kuhna ras uga cara nggulesa, ise nge sungkunndu? Pasti sierbahan gulen e.

    Bage pe, adi ateta ndatken kunci kesenangen i bas keluarga, kita perlu mindo man Dibata sabap ia me Si Njadiken keluarga.​—Kejadin 2:18-24.

  • Iperdiateken Dibata kap kita. Kerina keluarga perlu nge mindo pengajaren Dibata arah pustaka nari. Engkai? ”Sabab Ia kap si mperdiateken kam.” (1 Petrus 5:6, 7) Ate Dibata Jahwe kam ndatken si mehulina ras kerina pedahNa pasti erguna man banta!​—Kuan-kuanen 3:5, 6; Jesaya 48:17, 18.

 SI MAN UKUREN

Uga carana gelah kam banci jadi perbulangen, ndehara, ras orang tua simehuli?

Pustaka si Badia njabapsa i bas EPESUS 5:1, 2 ras KOLOSE 3:18-21.