Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 PELAJAREN 25

Bale Kinirajan—Engkai Makana Ipajekken ras Uga Carana?

Bale Kinirajan—Engkai Makana Ipajekken ras Uga Carana?

Bolivia

Nigeria, sebelum dan sesudah

Tahiti

Sue ras gelarna, Bale Kinirajan, pelajaren Pustaka si Badia si ilakoken ije khususna ipusatken ku Kinirajan Dibata—tema pelayanen Jesus.Lukas 8:1.

Pusat ibadat si benar i sada daerah. Saksi-Saksi Jahwe ngaturken dahin mberitaken berita si meriah kerna Kinirajan i bas Bale Kinirajan nari. (Matius 24:14) Lit erbage ukuren ras bentuk Bale Kinirajan, tapi kerina e bangunen si sederhana, janah mbue Bale Kinirajan e ipake dua runggun ntah pe lebih. I bas piga-piga tahun enda, kami enggo mbangun puluhen ribu Bale Kinirajan si mbaru (kira-kira lima tep-tep wari) guna ncukupi keperlun erkiteken lit pertambahen i bas runggun. Uga kerina enda banci ilakoken?Matius 19:26.

Ibangun alu nggunaken sen sumbangen. Sumbangen enda ipepulung ku kantor cabang gelah senna banci ipake runggun-runggun si perlu mbangun ntah pe mekena ras mesikap Bale Kinirajan.

Si Mbangunca eme kalak si sukarela arah erbage suku nari. I mbue negeri, lit Terpuk Pembangunen Bale Kinirajan. Terpuk si eranggotaken kalak si erdahin khusus ras si sukarela guna pembangunen enda pindah arah sada runggun ku runggun si debanna i sada negeri, termasuk daerah si ndauh ras melungun, guna nampati runggun si lit ije mbangun Bale Kinirajan. I negeri-negeri si deban, Saksi-Saksi si ncukupi sarat itugasken guna ngawasi pembangunen Bale Kinirajan ntah pe mpekenasa i daerah si enggo itetapken. Aminna melala Saksi si beluh ertukang i bas wilayah e, si alu ukur meriah nampati tep-tep pembangunen, buen si erdahin rehna arah runggun si lit ije. Enda kerina banci terjadi, arah penampat Dibata Jahwe ras usaha si ilakoken umatNa alu bulat ukur.Masmur 127:1; Kolose 3:23.

  • Engkai makana ingan ibadat kami igelari Bale Kinirajan?

  • Uga carana melala Bale Kinirajan banci ibangun i belang-belang doni?