Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 PELAJAREN 34

Ipilih Jesus Sepulu Dua Rasulna

Ipilih Jesus Sepulu Dua Rasulna

MARKUS 3:13-19 LUKAS 6:12-16

  • SEPULU DUA RASUL

Enggo lewat sada tahun setengah kenca ipetandaken Johanes Peridiken maka Jesus me Anak Biri-Biri Dibata. Kenca imulai Jesus pelayanenna, piga-piga dilaki si mehuli jadi murid-muridna. Kalak e eme Andreas, Simon Petrus, Johanes, mungkin Jakup (senina Johanes), Pilipus, bage pe Bartolomeus (si igelari ka Natanael). Dungna nterem ka kalak si deban jadi pengikut Kristus.​—Johanes 1:​45-​47.

Gundari ipilih Jesus me rasul-rasulna. Kalak e kari jadi temanna si rembak janah ialoken kalak e pelatihen si khusus. Ope lenga ipilihna kalak e, lawes Jesus ku deleng, mungkin i deher lawit Galilea la ndauh arah Kapernaum. Ertoto ia sada berngin guna mindo kepentaren ras pasu-pasu Dibata. Paginna, ilebuhna murid-muridna janah ipilihna 12 murid-muridna e jadi rasul-rasulna.

Ipilih Jesus enem rasulna si nggo ipebetehken bas tangtangna pasal enda. Termasuk Matius, si ilebuh Jesus bas kantor pajak nari. Lima kalak nari eme, Judas (si igelari ka Tadius ras “anak Jakup”), Simon kalak Kanani, Tomas, Jakup anak Alpeus, bage pe Judas Iskariot.​—Matius 10:​2-4; Lukas 6:​16.

Mulai gundari, si 12 kalak e rusur lawes ras Jesus, janah itandai Jesus kel kalak e. Piga-piga kalak e eme kade-kadena. Jakup ras Johanes eme senina Jesus sipemeren. Janah piga-piga kalak erpengakap maka Alpeus eme senina Jusup, bapak angkat Jesus. Adi bage, anak Alpeus e pe senina Jesus ka, gelarna Jakup.

Pasti iinget Jesus gelar rasul-rasulna e. Adi kam uga? Si banci nampati kam eme lit dua si ergelar Simon, dua ergelar Jakup, ras dua ka ergelar Judas. Simon (Petrus) ersenina ras Andreas, janah Jakup (anak Sebedeus) ersenina ras Johanes. Eme kuncina nginget gelar rasul si waluh kalak e. Empat rasul si debanna eme pengalo cuke (Matius), sada nari si sangsi ia (Tomas), sada nari si ilebuh arah teruh batang kayu nari (Natanael), janah teman Natanael (Pilipus).

Sepulu sada rasul e rehna arah Galilea nari, kuta Jesus. Natanael rehna arah Kana. Pilipus, Petrus, janah Andreas rehna arah Betsaida. Dungna pindah Petrus ras Andreas ku Kapernaum, ku kuta Matius. Jakup ras Johanes pe tading i deher Kapernaum, janah dahin kalak e bisnis ikan. Judas Iskariot si dungna ihianatina Jesus, ia ngenca rasul si rehna arah Judea.