Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 BAGIAN 1

Uga Carana Kita Ndengkehken Dibata?

Uga Carana Kita Ndengkehken Dibata?

Dibata ngerana man banta arah Pustaka si Badia. 2 Timotius 3:16

Dibata si Mada Kuasa ngajari piga-piga dilaki guna nuratken isi pikirenNa ku sada buku. Gelarna Pustaka si Badia. Buku enda risiken berita si penting. Ate Dibata kerina manusia meteh isi berita e.

Ieteh Dibata nge kai si mehulina man banta. Emaka adi sibegiken kataNa reh pentarna me kita.​—Kuan-kuanen 1:5.

Ate Dibata maka kerina jelma i doni enda ngoge Pustaka si Badia. Gundari Pustaka si Badia enggo lit i bas erbage-bage cakap.

Emaka, adi atendu ndengkehken Dibata, arus nge ioge ras iangkandu isi Pustaka si Badia.

 Melala kalak paksana melajari Pustaka si Badia i belang-belang doni. Matius 28:19

Saksi-Saksi Jahwe banci nampati kam gelah iangkandu isi Pustaka si Badia.

Saksi-Saksi Jahwe ngajarken kebenaren kerna Dibata i belang-belang doni.

Kam la perlu nggalar guna ndatken pengajaren kerna Pustaka enda. Banci ka kam erlajar kerna Dibata i Bale Kerajan Saksi-Saksi Jahwe si ndeher ku ingandu tading.