Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 BAGIAN 3

Uga nge ndia Kegeluhen i bas Pardis e?

Uga nge ndia Kegeluhen i bas Pardis e?

Dibata Jahwe mereken mbue pasu-pasu man Adam ras Hawa. Kejadin 1:28

Dibata Jahwe njadiken diberu si pemena e me kap Hawa, janah iberekenNa man Adam jadi ndeharana.​—Kejadin 2:21, 22.

Ijadiken Dibata Adam ras Hawa alu pikiren ras daging si serta, merupa kal ia duana dingen la lit cacatna.

Ia duana tading i bas Pardis, e me Peken Eden​—ingan si seh kal jilena si ipaleri piga-piga lau mbelin. Janah melala rubia-rubia ras batang-batang kayu si buahna man panganen.

Dibata Jahwe ngerana langsung dingen ngajari ia duana. Kalak e banci nggeluh si rasa lalap i Pardis, adi dengkehkenna Dibata.

 Dibata ngelarang Adam ras Hawa man buah sada batang kayu saja. Kejadin 2:16, 17

Adam ras Hawa ilarang Dibata Jahwe man buah batang kayu si lit i tengah-tengah peken e. Adi ipanna, ia duana pasti mate.

Lit sada malekat si mberontak ngelawan Dibata. Malekat si jahat e Setan si Iblis.

Ate Setan, Adam ras Hawa la matuhi Dibata Jahwe. Emaka arah sada nipe ikatakenna man Hawa, adi ipan Hawa buah batang kayu e, ia labo mate tapi banci bali ras Dibata. Jelas kal enda tipun Setan!​—Kejadin 3:1-5.