Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 PELAJAREN 37

Jahwe Ngerana man Samuel

Jahwe Ngerana man Samuel

Lit dua anak Imam si Mbelin Eli si ngelayani i tabernakel. Gelarna Hopni ras Pinehas. Kalak e la patuh man Jahwe janah jahat man kalak si deban. Sanga kalak Israel mereken persembahen man Jahwe, ibuat Hopni ras Pinehas daging si ntabehna man bana. Kerina si ilakoken kalak e nggo ieteh Eli, tapi ipediatna saja. Meriah nge ukur Jahwe ngidah perbahanen kalak e?

Aminna pe Samuel ngudan asangken Hopni ras Pinehas, tapi la ia nggit ngusih kalak e. Ngena kel ate Jahwe ngenen Samuel. Bas sada berngi sanga Samuel tunduh, ibegina lit si ngelebuh gelarna. Emaka medak ia ras dahina Eli janah nina, ‘Enda aku!’ Tapi nina Eli ngaloi, ‘Labo lit kam kudilo. To tunduhken ka.’ Emaka tunduh ka Samuel. Kenca e lit dua kali nari ibegi Samuel lit si ngelebuh gelarna. Sanga petelukaliken ibegi Samuel lit si ngelebuh gelarna, ieteh Eli maka Jahwe nge si erlebuh e. Nina Eli man Samuel, adi begindu ka kari lit si ngelebuh gelarndu, kataken bagenda, ‘Ngeranalah Kam Jahwe. Gelah kubegiken.’

Mulihken ka Samuel tunduh. Nce begina ka lit si ngelebuh gelarna. Nina Samuel ngaloi, ‘Ngeranalah Kam Jahwe. Gelah kubegiken.’ Nina Jahwe ngerana, ‘Kataken man Eli, Kuukum ateKu ia ras keluargana. Ietehna perbahanen anakna si jahat i tabernakel tapi ipediatna saja.’ Pepaginna italangi Samuel pintu-pintu i tabernakel bagi si biasa ilakokenna. Mbiar kel ia ngataken kai si begina arah Jahwe man Eli iman si mbelin e. Tapi ilebuh Eli ia janah isungkunna ia, ‘Nakku, kai nina Jahwe man bandu? Katakenlah man bangku.’ Emaka ikataken Samuel kerina si ibegina man Eli.

Samuel reh galangna janah Jahwe terus ras ia. Emaka kerina kalak si tading i belang-belang taneh Israel meteh maka nggo ipilih Jahwe si Samuel jadi sekalak nabi ras hakim.

“Tupung paksa ngudandu, ingetlah Si Nepa kam.”—Pengerana 12:1