Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 PELAJAREN 23

Erjanji Kalak e man Jahwe

Erjanji Kalak e man Jahwe

Dua bulan kenca kalak Israel nadingken Mesir, erkemah kalak e i teruh Gunung Sinai. Nce, idilo Jahwe me Musa ku datas gunung. Nina man Musa, ‘Me nggo Kuselamatken kalak Israel. Adi patuh kalak e man bangKu, janah idalankenna perentahKu, kalak e jadi umat si kelengna kel ateKu.’ Dung e, nusur Musa ku teruh guna mpeseh kata e man kalak Israel. Kai jawap kalak e? Nina, ‘Nggit kami ndalanken kerina si ikataken Jahwe.’

Kenca e, nangkih ka mulihi Musa ku datas gunung. I je, ngerana Jahwe bana, nina, ‘Telu wari nari, ngerana ateKu man kena kerina. Emaka kataken man kalak e gelah ula ia nangkih ku datas Gunung Sinai enda.’ Nusur me Musa janah ikatakenna man kalak Israel gelah ersikap-sikap ia mbegiken perentah arah Jahwe nari.

Telu wari kenca si e, reh sora lenggur, perkas, ras sora terompet bage pe embun si mekapal nutupi datas gunung e. Nusur me Jahwe bagi api ku gunung e. Mbiar kerina kalak Israel seh nggir-nggir ia, janah gunung e rempet mugur-ugur ras itutupi asap. Sora terompet e pe reh dekahna reh megangna. Dungna ngerana me Jahwe, nina, ‘Aku me Jahwe. Ula sembahndu dibata si deban.’

Nangkih ka mulihi Musa ku datas gunung. I je ibere Jahwe bana undang-undangNa, isina kerna uga carana nembah Jahwe ras uga arusna perbahanen kalak e. Itulis Musa me undang-undang e nce bacakenna i lebe-lebe kalak Israel. Erjanji me kalak e, nina, ‘Kerina si ikataken Jahwe pasti idalanken kami.’ Nggo erjanji kalak e man Dibata. Tapi, idalanken kalak e nge janjina e?

“Kelengilah [Jahwe, NW] Dibatandu asa ukurndu, asa tendindu, dingen asa gegehndu lit.”—Matius 22:37