Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 PELAJAREN 27

Ilawanna Jahwe

Ilawanna Jahwe

Sanga kalak Israel bas gurun denga, reh me Korah, Datan, Abiram ras 250 kalak ngelawan Musa. Nce nina man Musa, ‘Nggo me yah, ngkai maka Musa si minpin bangsa Israel janah Harun jadi imam si mbelin? Seri nge kita kerina. Labo kam ras Harun ngenca umat Dibata.’ Emaka la senang Jahwe megisa. Enda seri kap ras ngelawan man Jahwe!

Emaka nina Musa man kalak e, ‘Pagi rehlah kam ku tabernakel, baba kemenyan ras ingan nutungsa, sieteh kari ise si ipilih Jahwe.’

Paginna, reh me Korah ras 250 kalak temanna ku tabernakel ndahi Musa. Itutung kalak e me kemenyan, tempa-tempa ia me imam e. Nce, nina Jahwe man Musa ras Harun, ‘Ula deheri Korah ras temanna.’

Amin gia Korah nggo seh i tabernakel, Datan ras Abiram bage pe keluargana la reh. Emaka ikataken Jahwe man kalak Israel gelah ula deherina kemah Korah, Datan, ras Abiram. Mis ipedauh kalak Israel kemah kalak e, tapi Datan, Abiram ras keluargana cinder i deher kemahna. Rempet me terbelah taneh janah naktak kalak e ku teruh! Bas tabernakel pe nusur api nutung Korah ras 250 kalak temanna.

Nina Jahwe man Musa, ‘Pepulung tongkat arah peminpin tiap suku, nce tulis gelar tiap peminpin e bas tongkatna. Bas tongkat suku Lewi tulis gelar Harun. Tamaken ku bas Tabernakel, kalak si Kupilih erbunga me kari tongkatna.’

Paginna ipedarat Musa me kerina tongkat-tongkat enda ndai, janah icidahkenna ku tiap peminpin suku. Tongkat Harun me si erbunga, janah deba nggo jadi buah pe. Bage me cara Jahwe mbuktiken maka Harun me si ipilihNa jadi imam si mbelin.

“Patuhlah kam man peminpinndu janah ikutkenlah katana.”—Heber 13:17