Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 PELAJAREN 10

Ingetlah Diberu Lut

Ingetlah Diberu Lut

Lut eme permen Abraham, kalak enda tading i Kanaan. Mbue kel asuh-asuhen Abraham ras Lut, dungna nggo kurang ingan muat gagaten. Emaka nina Abraham man Lut, ‘Kuakap lanai kita banci ras tading. Kam lebe si milihsa inganndu tading, nce aku kari banci bas ingan si deban.’ Mehuli kel Abraham me, nggit ia mpelebe keperlun kalak.

Idah Lut sada ingan si mejile, ideher kota Sodom. I je melala launa, ras perenna pe mbur. Dungna, ipilihna ingan e janah pindah ia ras keluargana ku je.

Kalak si tading i Sodom ras Gomora jahat-jahat kerina. Iukum Jahwe ateNa kuta e perban jahat kel kalak e. Tapi ate Dibata selamat min Lut ras keluargana, emaka iutusNa dua malekat guna nuruh kalak e lawes, ‘Iyah! Kiamken! Kentisik nari kuta enda imasapken Jahwe.’

Lut la mis kiam tapi melet kel ia. Emaka itagangi malekat e tan Lut, diberuna, ras dua anakna gelah meter kalak e kiam janah nina, ‘Iyah kiamken! Gelah selamat kena, ula nen ku pudi gelah ula kena mate!’

Kenca seh kalak e i kuta Soar, ipesusur Jahwe me udan api ras belerang ku kuta Sodom ras Gomora e. Meseng me kuta e duana, janah lanai teringani. Tapi diberu Lut la patuh man Jahwe, inenna ku pudi, dungna jadi patung sira me ia! Tapi Lut ras dua anakna si diberu selamat, perban patuh ia man Jahwe. Perban diberu Lut la patuh, pasti sedih kel akap kalak e teluna. Tapi meriah ka nge akap kalak e erkiteken ibegikenna perentah Jahwe.

‘Ingetlah diberu Lut!’—Lukas 17:32