Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 PELAJAREN 102

Si Icidahken man Johanes

Si Icidahken man Johanes

Sanga Johanes ipenjaraken i Pulo Patmos, icidahken Jesus me 16 kejadin kerna masa depan. Enda me bukti maka gelar Jahwe pasti ipebadia, KerajanNa nandangi reh, ras peratenNa pasti terjadi i doni seri bagi si i surga.

Salah sada kejadin siidah Johanes eme Jahwe si kundul i tahtaNa si mulia, janah lit 24 pertua i sekelilingNa si make uis mentar ras mahkota emas. Lit petir ras sora lenggur arah tahta e. Si 24 pertua e pe nungkuk nembah man Jahwe. Kejadin si deban siidah Johanes eme nterem jelma arah erbage suku, bangsa, ras bahasa si ikut nembah Jahwe. Jesus si igambarken bagi Anak Biri-biri, mpermakani ras maba kalak e ku lau kegeluhen. Nce, idah Johanes ka Jesus sangana merentah jadi Raja i surga janah itemani 24 pertua ndai. Kenca si e, idahna ka Jesus sangana erperang ngelawan naga eme si Setan ras malekat-malekatna si jahat. Iambekken Jesus me kalak e arah surga ku doni.

 Selain si e, idah Johanes Anak Biri-biri ras 144.000 temanna si cinder i datas Gunung Sion. Idahna ka malekat si kabang ngelilingi doni janah ngumumken gelah kerina kalak mbiar man Dibata ras muliaken Ia.

Bas kejadin si deban, idahna ka perang Harmagedon. I bas perang e, idahna Jesus ras pasukenna naluken Setan ras pengikutna si jahat. Kejadin si terakhir eme sanga idahna kerina si lit i surga ras doni ersada ras dame. Sanga si e, Setan ras pengikutna nggo lanai lit. Kerina si lit bas surga ras doni muji gelar Dibata ras nembah man baNa saja.

“Kuperimbangken kam ras diberu enda, bage pe kesusurenndu ras kesusurenna. Kesusurenna merperken takalndu, janah kam naguti tukul-tukulna.”—Kejadin 3:15