Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 PELAJAREN 1

Iban Dibata Langit ras Doni

Iban Dibata Langit ras Doni

Si erban kita eme Dibata Jahwe. Ia si erban kerina, si banci siidah ras si la banci siidah. Ope lenga ibanNa si banci siidah, nggo leben ibanNa melala malekat. Tehndu nge kai malekat e? Malekat e la banci siidah seri bagi Dibata. Malekat si tangtangna iban, dahinna eme nampati Jahwe. Malekat e nampati Jahwe erban bintang, planet, ras kerina si lit. Salah sada planet e eme doni, inganta tading si seh kel jilena.

Kenca si e, iban Jahwe gelah manusia ras binatang banci nggeluh i doni. IbanNa matawari nerangi doni. IbanNa ka gunung, lawit, ras lau maler

Kenca si e, kai ka? Nina Jahwe, ‘Kuban ateKu dukut-dukut, batang kayu, ras sinuan-sinuan.’ Dungna, turah me erbage-bage batang kayu si erbuah, gulen, ras bunga. Kenca si e, iban Jahwe ka binatang-binatang—si banci kabang, erlangi, nggawang, ras njoler. Lit si kitik, contohna kelinci, ras lit ka si galang, contohna gajah. Apai akapndu si mejilena?

Kenca si e, nina Jahwe man malekat si tangtangna ibanNa e, “Gundari sijadikenlah manusia.” Manusia e kari la seri ras binatang. Kalak e banci erban hal-hal si mbaru. Banci ia ngerana, tawa, ras ertoto. Kalak enda me kari si ngurus doni ras binatang-binatang. Tehndu nge ise manusia si pertama? Mari sinen.

“Mula-mulana ijadiken Dibata langit ras doni.”—Kejadin 1:1