Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 PELAJAREN 4

Ise kin Jesus Kristus?

Ise kin Jesus Kristus?

1. Uga bena-benana kegeluhen Jesus?

Kai saja sipat Jesus si erbahanca ia mesukah i deheri?​—MATIUS 11:29; MARKUS 10:13-16.

Ia tinepa Dibata si pemena. La seri ras jelma sideban, Jesus enggo nggeluh i surga ope tubuh ku doni. (Johanes 8:23) Ia labo tubuh arah sekalak diberu i surga, tapi langsung itepa Dibata Jahwe, Bapana si i surga. Emaka, Jesus patut igelari Anak Dibata. Ia pe igelari ”Kata” sabap arah ia me Dibata rusur ngerana. (Johanes 1:14) Jesus ikut nepa kerina si nasa litna.​—Oge Kuan-kuanen 8:22, 23, 30; Kolose 1:15, 16.

2. Ngkai Jesus reh ku doni?

Dibata ngutus Jesus ku doni alu mindahken kegeluhenna i surga ku bertin sekalak singuda-nguda si igelari Maria. Emaka, Jesus la erbapaken manusia. (Lukas 1:30-35) Jesus reh ku doni guna (1) ngajarken kebenaren kerna Dibata, (2) jadi ikuten i bas ndalanken peraten Dibata amin gia i bas keadan si sulit, ras (3) mereken kegeluhenna si sempurna guna jadi ”tebusen”.​—Oge Matius 20:28.

3. Ngkai maka kita perlu tebusen?

Tebusen eme kap erga si man galaren guna mbebasken jelma i bas ancamen kematen nari. (Keluaren 21:29, 30) Paksa nepa manusia, labo ate Dibata manusia e mate. Kai buktina? Nina Dibata man jelma si perlebe, Adam, adi ia ngelakoken dosa maka mate me ia. Emaka, bicara la Adam erdosa, labo ia mate. (Kejadin 2:16, 17; 5:5) Menurut Pustaka si Badia, kematen ”bengket” ku doni erkelang-kelangken Adam. Adam nerusken dosa ras kematen kempak sinursurna. Kita perlu tebusen gelah bebas i bas ukumen dosa ras kematen si isusurken Adam man banta.​—Oge Roma 5:12; 6:23.

 Ise si banci nggalar tebusen guna mbebasken kita i bas kematen nari? Kematenta, nggalar dosanta saja. La banci nggalar dosa jelma sideban, perbahan kita la serta.​—Oge Masmur 49:8-10.

4. Ngkai Jesus perlu mate?

La bali ras kita, Jesus sempurna perbahan ia tubuh alu mukjizat. La ia pernah erbahan dosa. Maka, ia la perlu mate erkiteken dosana, tapi ia mate erkiteken dosa kerina manusia si enggo erdosa. Dibata ngutus Jesus perbahan keleng ateNa manusia. Jesus pe nggit ndalanken perentah Bapana ras mereken kegeluhenna, perbahan Jesus pe engkelengi kita.​—Oge Johanes 3:16; Roma 5:18, 19.

Tontonlah video Engkai Jesus Mate?

5. Kai jabaten Jesus genduari?

Sanga i doni, Jesus mpepalem kalak si sakit, mpekeke kalak si mate, ras nampati kalak si mesera. Enda jadi contoh si ilakoken Jesus pagi man kerina manusia si ndalanken perentah Dibata. (Matius 15:30, 31; Johanes 5:28) Kenca Jesus mate, ipekeke Dibata ia jadi mahluk roh. (1 Petrus 3:18) Jesus nimai i kemuhen Dibata seh paksana Jahwe mereken ia kuasa guna merentah jadi Raja i babo doni. (Heber 10:12, 13) Genduari, Jesus enggo jadi Raja merentah i sorga. Kerina ajar-ajarna ergiah-giah mberitaken berita si meriah e i belang-belang doni.​—Oge Daniel 7:13, 14; Matius 24:14.

Kentisik nari, igunaken Jesus kuasana guna nasapken kerina kiniseran ras kalak si erbahan kiniseran e. Kerina kalak si erkiniteken man Jesus ras ngikutken ia, banci ngenanami kegeluhen si mehuli i pardis.​—Oge Masmur 37:9-11.