Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 PELAJAREN 13

Meriah Iakap Timotius Nampati Kalak si Deban

Meriah Iakap Timotius Nampati Kalak si Deban

Timotius sekalak anak perana si meriah akapna lawes ku melala ingan guna nampati kalak. Eme sabapna engkai maka kegeluhenna ermeriah ukur. Nggit nge kam meteh ceritana?​—

Nande ras nini Timotius ngajari ia kerna Jahwe

Timotius tading i Listera. Kitik-kitikna nari, ninina Lois, ras nandena, Enike, enggo ngajari ia kerna Jahwe. Emaka, lalap atena nampati kalak si deban erlajar kerna Jahwe.

Sanga Timotius nguda denga, isungkun Paulus ia, nggit nge ia ikut erberita si meriah ku kota si deban. Jabap Timotius, ’Ue, nggit aku!’ Payo, Timotius ersikap-sikap lawes ras nampati kalak si deban.

 Timotius ras Paulus lawes ku sada kota i Makedoni. Gelar kota e Tesalonika. Kalak e arus ndauh kal erdalan, kenca si e nangkih kapal. I kota e, kalak e nampati enterem jelma erlajar kerna Jahwe. Tapi, lit piga-piga kalak si merawa janah isakitina atena kalak e. Emaka, Paulus ras Timotius terpaksa lawes ije nari janah erberita si meriah i bas ingan si deban.

Kegeluhen Timotius seh kal riahna

Piga-piga bulan kenca si e, Paulus nuruh Timotius mulihken ku Tesalonika guna ngenehen keadan turang-senina. Ije, lit denga kalak si rate nembeh man bana. Tapi, Timotius tetap mulihken ku kota e erkiteken ermediate ia man turang-seninana si lit ije. Dungna, ibaba Timotius berita si meriah man Paulus. Turang-senina i Tesalonika lit i bas keadan mejuah-juah!

Timotius erdahin ras Paulus ertahun-tahun dekahna. Menurut Paulus, Timotius me kalak si cocokna nampati runggun jemaat erkiteken keleng atena Jahwe ras turang-seninana.

Keleng nge atendu kalak si deban janah nggit nge kam nampati kalak e erlajar kerna Jahwe?​— Adi ilakokenndu e, kegeluhenndu pe banci senang ras ermeriah ukur, bali bagi Timotius!