Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 PELAJAREN 14

Kinirajan si Nandangi Merentah i Doni

Kinirajan si Nandangi Merentah i Doni

Tehndu nge Kinirajan kai e?​— Ue, Kinirajan Dibata. Kinirajan e pagi erban doni jadi pardis. Nggit nge kam erlajar terbuen kerna Kinirajan e?​—

Tep-tep kerajan ipinpin sekalak raja. Iperentahna kerina kalak i bas negerina. Tehndu nge ise Raja i bas Kinirajan Dibata e?​— Jesus Kristus. Ia tading i surga. Lanai ndekah, ia jadi Raja kerina kalak i doni enda! Menurutndu, paksa Jesus pagi jadi Raja i belang-belang doni, senang nge pagi kegeluhenta?​—

Kai si atendu ilakokenndu i Pardis?

Pasti senang pagi kegeluhenta! I Pardis, lanai lit kalak si rubati ntah pe erperang. Kerina kalak sikeleng-kelengen. Lanai lit pinakit ntah pe kematen. Kalak pentang pagi banci erpengidah ras kalak pasek banci erpemegi. Kalak si la banci erdalan dungna banci kiam ras lompat. Kerina kalak melala panganna. Kerina rubia-rubia erteman, kita pe la ilukaina. Kalak mate nggeluh mulihi. Bage ka pe piga-piga kalak si enggo sipelajari bagi Ribka, Rahap, Daud, ras Elia. Kalak e  nggeluh mulihi! Nggit nge kam pagi jumpa ras kalak e?​—

Keleng kal ate Jahwe kam. Ia ersura-sura gelah kam ermeriah ukur. Adi kam terus erlajar kerna Jahwe janah patuh man baNa, kam banci nggeluh si rasa lalap i pardis si mejile! Nggit nge kam?​—

OGE I BAS PUSTAKANDU