Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 PELAJAREN 10

Jesus Lalap Patuh

Jesus Lalap Patuh

Lalap nge kam patuh man orang tua-ndu?​— Mawen-mawen, matuhi orang tua e la menukah. Tehndu nge adi Jesus lalap patuh man Jahwe ras man orang tuana?​— Adi iogendu cerita kerna Jesus, kam banci reh patuhna man orang tua-ndu, aminna pe e mawen-mawen la menukah. Gundari, perdiatekenlah ceritana.

Ope denga Jesus nggeluh i doni, ia tading i surga ras Bapana, Jahwe. Paksa Jesus i doni, lit ka orang tuana. Gelarna Jusup ras Maria. Uga maka kalak e banci jadi orang tua Jesus?​—

Ipindahken Jahwe kegeluhen Jesus si i surga ku beltek Maria. Alu bage, Jesus banci tubuh janah nggeluh i doni. Enda sada mujizat! Kenca si e, Jesus reh belinna i bas beltek nandena, bali bagi bayi si debanna. Kenca kira-kira siwah bulan, Jesus pe tubuh. Bagelah ceritana maka Jesus jadi anak Maria ras Jusup.

Keleng kal ate Jesus Bapana, Jahwe. Sanga umurna 12 tahun, icidahkenna kekelengenna e. Paksa si e Jesus ras keluargana lawes ku Jerusalem guna ngerayaken Paskah. Paksa Jusup ras Maria i bas perdalanen mulih, ieteh kalak e maka Jesus la ikut mulih. Menurutndu, ija Jesus?​—

Kai si ilakoken Jesus i rumah pertoton?

Jusup ras Maria mis mulihken ku Jerusalem janah idaramina Jesus. Mbiar kal kalak e erkiteken lenga ijumpaina Jesus. Tapi telu wari kenca si e, jumpa ia ras Jesus. Kepeken ia lit i bas rumah pertoton! Kai si ilakokenna i je?​— Ia erlajar kerna Bapana, Jahwe. Keleng kal atena Jahwe, emaka idaramina uga carana erban meriah ukur Jahwe. Janah, kenca dewasa pe, Jesus lalap patuh man Jahwe. Jesus tetap patuh amin gia mawen-mawen e mesera janah ia arus ngenanami kiniseran. Patuh ka nge Jesus man Jusup ras Maria?​— Ue, nina Pustaka si Badia, patuh ia man kalak e.

Kai si banci iusihndu i bas Jesus nari?​— Kam arus patuh man orang tuandu, aminna pe e mawen-mawen mesera ndalankenca. Emaka, nggit nge kam patuh man kalak e?​—