Minter ku Konten

Minter ku daftar isi

Saksi-Saksi Jahwe

Pilih bahasa Batak (Karo)

 PELAJAREN 8

Josia ras Teman-Temanna si Mehuli

Josia ras Teman-Temanna si Mehuli

Pernah nge mesera iakapndu ngelakoken kai si mehuli?​— Enterem kalak mesera iakapna ngelakokenca. Pustaka si Badia nuriken kerna sekalak anak dilaki si gelarna Josia si mesera iakapna ngelakoken kai si mehuli. Tapi, lit teman-temanna si nampati ia. Mari, sioge cerita kerna Josia ras teman-temanna.

Josia anak raja Juda si gelarna Amon. Amon raja si jahat. Ia sekalak si nembah berhala, ntah pe gana-gana. Sanga Amon mate, Josia jadi raja Juda nggantiken bapana. Tapi, paksa si e umur Josia waluh tahun denga! Menurutndu, seri nge jahatna ia bagi bapana?​— Kepeken lang!

Sepanya mpersingeti kalak gelah ula nembah gana-gana

Kitik-kitikna nari Josia nggo patuh man Jahwe. Emaka, ras kalak si engkelengi Jahwe ngenca ia nggit erteman. Janah teman-temanna e nampati Josia ngelakoken kai si mehuli. Ise saja teman Josia e?

 Salah sadana eme Sepanya. Ia sekalak nabi. Rusur ipersingetina kalak gelah ula nembah gana-gana. Alu bage, kalak e la ngenanami kai si la mehuli. Josia nggit megiken Sepanya. Erkiteken si e, Josia la nembah gana-gana, tapi nembah Jahwe.

Teman Josia si deban gelarna Jeremia. Umur kalak enda menam seri, janah rumahna pe rembak. Kalak enda seh kompakna. Sanga Josia mate, ibahan Jeremia sada ende-enden guna nginget Josia. Jeremia ras Josia si sampat-sampaten gelah banci ngelakoken kai si mehuli ras banci matuhi Jahwe.

Josia ras Jeremia si sampat-sampaten gelah banci ngelakoken kai si mehuli

Kai si banci iusihndu i bas Josia nari?— Kitik-kitikna nari pe Josia merhat matuhi Jahwe. Ras kalak si engkelengi Jahwe ngenca ia erteman. Emaka, pilihlah teman si engkelengi Jahwe janah si banci nampati kam ngelakoken kai si mehuli!

OGE I BAS PUSTAKANDU

  • 2 Kronika 33:21-25; 34:1, 2; 35:25