Langsung hu konten

Langsung hu menu sekunder

Langsung hu daptar isi

Saksi-Saksi Jahowa

Batak (Simalungun)

Ambilan na Madear—Edisi Parlajaran  |  Oktober 2017

Ai Ibotoh Nasiam Do?

Ai Ibotoh Nasiam Do?

Mase iburai Jesus halak na marbija?

Bani titah ni si Musa, boi do sasahalak marbija mangkatahon songon, “Ahu marbija ilobei ni Naibata” atap pe “Ahu marbija ibagas goran ni Jahowa.” Tapi sanggah panorang ni Jesus, ganup halak Jahudi domma uhur-uhurni marbija. Ibahen sidea sonai ase halak porsaya bani hata ni sidea. Tapi iburai Jesus do halak sisonai anjaha iparentahkon Jesus do bani susianni, “Sonon ma hatanima, ‘Eak’, anggo eak, ‘lang’, anggo lang. “—Mat. 5:33-37; 23:16-22.

Buku Theological Dictionary of the New Testament patugahkon bani Talmud, ai ma buku na marisi ajaran ni halak Jahudi, ijai ipatorang adong do bija na maningon idalankon anjaha dong na boi ilanggar. Jadi lang pala longang hita anggo halak Jahudi gati do marbija.

Tapi lang pitah Jesus na lang satuju bani halak Jahudi na sisonai. Umpamani, sejarahwan na margoran si Flavius Yosefus mangkatahon adong do sada sekte Jahudi na porsaya, halak na marbija ai samboran do marimbangkon halak na marladung. Mase? Halani pangahap ni sidea sanggah sasahalak marbija, na laho marladung do ia ai. Janah Kitab Yesus bin Sirakh (23:11) bani buku apokrifa mangkatahon, “Halak na marbija dos do ai songon na manlanggar uhum.” Halani ai ma iburai Jesus do sasahalak na urah-urah marbija. Jadi anggo na ihatahon hita domma sintong, lang porlu be hita marbija.