Langsung hu konten

Langsung hu menu sekunder

Langsung hu daptar isi

Saksi-Saksi Jahowa

Batak (Simalungun)

Ambilan na Madear—Edisi Parlajaran  |  Maret 2017

Isurat halak Kanaan sada goran na dong bani Bibel bani pocahan guci keramik na marumur 3.000 tahun

Goran ni Sasada Halak i Bibel, na Tarsurat i Guci na Basaia

Goran ni Sasada Halak i Bibel, na Tarsurat i Guci na Basaia

Tahun 2012, jumpah arkeolog ma pocahan ni guci keramik na marumur 3.000 tahun. Longang do uhur ni arkeolog mangidah ai. Mase? Sedo halani pocahan ai, tapi halani dong hata na tarsurat bani pocahan ni guci ai.

Sanggah ipasada sidea pocahan ni guci ai, gabe boi ma ididah sidea hata na isuratkon halak Kanaan ijai. Na isurat ai ma, “Eshba’al Ben Beda,” artini “si Esbaal anak ni si Beda”. On ma parlobei sahali na dapot arkeolog dong goran ai na tarsurat bani barang-barang na basaia.

Dong homa na margoran si Esbaal na ipatugah bani Bibel, sada humbani anak ni Raja Saul. (1 Kron. 8:33; 9:39) Profesor Yosef Garfinkel, na dihut mandapot guci ai mangkatahon, “Malas do uhur halani mambotoh adong goran ni si Esbaal isuratkon i Bibel, janah dong use isuratkon bani guci ai, sanggah si Daud mamarentah.” On patuduhkon sosok do hatorangan ni arkeolog ai pakon na tarsurat ibagas Bibel!

Bani Bibel, si Esbaal, anakni si Saul, igoran do homa si Isboset. (2 Sam. 2:10) Mase “baal” igantih gabe “boset”? Ipatorang ilmuwan do, panurat ni buku Dua Samuel lang ra manuratkon goran Esbaal halani goran ai paingatkon halak Israel bani Baal, ai ma dewa badai na isombah halak Kanaan. Tapi, bani buku Sada Kronika, dong ope isuratkon goran ni si Esbaal.