Langsung hu konten

Langsung hu menu sekunder

Langsung hu daftar isi

Saksi-Saksi Jahowa

Batak (Simalungun)

Ambilan na Madear—Edisi Parlajaran  |  Juni 2017

Ai Ibotoh Nasiam Do

Ai Ibotoh Nasiam Do

Mase ihatahon Jesus “panamun” do na marjual binatang i rumah panumbahan i Jerusalem?

BANI buku Mateus ihatahon, “Masuk ma Jesus hu rumah panumbahan, anjaha iusir ma hunjai sagala siparjualan ampa sipamboli, ipantunggalingkon ma meja ni situkari duit ampa bangku-bangku hundulan ni sijual asas, lanjar nini ma dompak sidea, ‘Ihatahon surat in do, “Rumah partonggoan do goran ni rumah-Ku, tapi gabe liang ni panamun do in ibahen hanima.’”Mat. 21:12, 13.

Sejarah mangkatahon mahal tumang do binatang na laho igalangkon i rumah panumbahan ibahen sipanjual. Umpamani, murah do sasintongni arga ni asas ase boi halak na masombuh mamboli ai bahen galangan. Tapi bani abad na parlobei, nini sejarawan Jahudi, laho mamboli dua asas maningon galaron sidea do sadinar omas. Hape ase boi patumpuhon sadinar omas, maningon 25 ari ma halak marhorja. Halani mahal tumang arga ni asas, seng tarbahen halak na masombuh manggalangkon ai. (3 Mus. 1:14; 5:7; 12:6-8) Jadi, marah ma Rabbi Simeon, anak ni si Gamaliel, mangidah aha na masa. Halani ai, ihurangi ia ma galangan na ipindo humbani halak Jahudi. Gabe saparsaratus dinar omas ma ibahen arga ni dua asas.

Hunjon ibotoh hita ma paruhur haut do halak na marjualan i rumah panumbahan ai janah sihol mangindahi untung hansa. On ma na mambahen ase ihatahon Jesus sidea “panamun”.