Langsung hu konten

Langsung hu menu sekunder

Langsung hu daftar isi

Saksi-Saksi Jahowa

Batak (Simalungun)

Ambilan na Madear—Edisi Parlajaran  |  Januari 2017

Ai Ibotoh Nasiam Do?

Ai Ibotoh Nasiam Do?

Na basaia, sonaha halak pagarahon apuy sanggah sidea i pardalanan?

BANI 1 Musa bindu 22 patugahkon, isuruh Naibata do si Abraham laho hu ianan na daoh hun rumahni laho mambahen galangan. Ihatahon, “Ibuat si Abraham ma soban ni galangan situtungon ai, itampeihon ma bani si Isak anakni ai; ia sandiri mamboban apuy pakon raot sada, jadi rap mardalan ma sidea na dua ai.”1 Musa 22:6.

Lang ipatorang Bibel sonaha do na basaia halak pagarahon apuy. Jadi, ai ipagara si Abraham pakon si Isak do lobei apuy ai, dob ai iboan sadokah i pardalanan? Sahalak komentator ni Bibel mangkatahon anggo apuy ai lang boi totap gara “sadokah i pardalanan na daoh”. Jadi, ra do iboan sidea aha na porlu laho pagarahon apuy.

Tapi na legan mangkatahon, na basaia seng urah pagarahon apuy. Halani ai, halak ijia ra do pagarahon apuy marhitei narnar hun apuy na gara ope, na ibuat humbani simbalogni. Bahat do halak na pentar porsaya, iboan si Abraham do lobei narnar ai paima laho sidea. Ibahen ma narnar ai hubagas hudon tanoh na martali hun rantei, janah ihatting ma hudon ai sadokah i pardalanan. (Jesaya 30:14) Sanggah laho pagarahon apuy, ibuat ma narnar ai janah ibahen ma soban hujai.