Langsung hu konten

Langsung hu menu sekunder

Langsung hu daptar isi

Saksi-Saksi Jahowa

Batak (Simalungun)

Hagoluhan pakon Pangidangion Jadwal Parlajaran  |  Oktober 2017

 HAGOLUHAN NI HALAK KRISTEN

Sonaha do Ase Hita Ringgas Marlajar Bibel?

Sonaha do Ase Hita Ringgas Marlajar Bibel?

Songon si Daniel, ai marosuh do nasiam ase totap martahan sanggah dong hasunsahan? Ringgas do si Daniel marlajar Hata ni Naibata, tarlobih ma pasal panjahaion ni Naibata. (Dan 9:2) Anggo ringgas hita marlajar Bibel, on boi mangurupi hita ase totap martahan. Mase? Lambin toguh ma haporsayaonta bani janji ni Jahowa na laho saud do ai. (Jos 23:14) Lambin banggal ma holongta bani Naibata, janah tarojur ma hita mandalankon titah-Ni. (Ps 97:10) Tapi sonaha do ase hita ringgas marlajar Bibel? Pardiateihon ma ojuran on.

  • Aha do na boi huparlajari? Dear do anggo iparlajari hita bahan-bahan na laho iulas i partumpuan. Lambin bahat ma gunani anggo itangkasi hita ayat-ayat na lang iarusi hita bani pambasaan Bibel tiap minggu. Sobali ai, boi iparlajari hita pasal panjahaion, pasal buah ni tonduy, sonaha pardalanan apostel Paulus, atap pasal tompaan. Anggo dong sungkun-sungkun pasal ayat ni Bibel, suratkon ma sungkun-sungkun ai janah ulas ma ai bani parlajaran na mangihut.

  • Aha do na boi mangurupi ahu manangkasi isi ni Bibel? Tonton ma video Alat na Boi Ipakei laho Manangkasi Isi ni Bibel. Umpamani, pindahi ma pasal harajaon i dunia on na igambarhon songon binatang panoroh bani Daniel bindu 7.

  • Piga dokah do ahu marlajar? Lambin dohor ma hita bani Naibata anggo tongtong marlajar. Mungkahni, boi do tongkin nasiam marlajar. Tapi lambin dokah boi ma itambahi nasiam panorang laho marlajar. Anggo marlajar Bibel, songon na mangindahi arta na ponop do hita. Lambin bahat arta na idapot hita, lambin marosuh ma hita mangkurak! (Pod 2:3-6) Sonai homa ma hita, lambin marosuh ma hita marlajar Bibel anjaha boi ma gabe hasomalanta ai.​—1Ptr 2:2.

AHA DO NA IGAMBARHON BINATANG PANOROH BANI DANIEL BINDU 7?

SUNGKUN-SUNGKUN TAMBAHAN:

Sonaha do ayat bani Daniel 7:8, 24 saud?

PARLAJARAN NA MANGIHUT:

Aha do na igambarhon binatang panoroh bani Pangungkabon bindu 13?