Langsung hu konten

Langsung hu menu sekunder

Langsung hu daftar isi

Saksi-Saksi Jahowa

Batak (Simalungun)

Hagoluhan pakon Pangidangion Jadwal Parlajaran  |  Maret 2017

 HAGOLUHAN NI HALAK KRISTEN

Sonaha Manggunahon Buku Tangihon ma Naibata

Sonaha Manggunahon Buku Tangihon ma Naibata

Buku Tangihon ma Naibata ibahen laho mangajarhon hasintongan bani sidea na lang sai ibotoh mambasa. Tiap parlajaran buku ai adong dua alaman. Janah dong tanda panah bani gambar na mangarahkon hu gambar na mangihut na laho iparlajari.

Gambar bani buku Tangihon ma Naibata Ase Manggoluh Sadokah ni Dokahni sarupa pakon gambar bani buku ai. Tapi bani buku Tangihon ma Naibata Ase Manggoluh Sadokah ni Dokahni bahat tulisanni anjaha boi igunahon sidea na boi mambasa. Anjaha adong do kotak na marisi hatorangan na boi iulas anggo sosok bani siparlajar. Gati do parbarita mamakei buku on sanggah parlajar Bibel mamakei buku Tangihon ma Naibata.

Boi do ibagihon nasiam buku on attigan pe. Sanggah mambahen parlajaran Bibel, gunahon ma gambar laho patorangkon isi ni Bibel. Bahen ma sungkun-sungkun ase ibotoh nasiam iarusi ia do atap lang parlajaran ai. Basa janah ulas ma ayat na dong i toruh ni alaman. Dob salosei buku ai iparlajari, toruskon ma parlajaran mamakei buku Aha do na Iajarhon Bibel Hubanta? laho mangurupi siparlajar ase mambahen hamajuon janah ididi.